09:12, 05 - ءساۋىر 2016 | GMT +5
الەكساندر لەبزياك: ريودا رەسەي بوكسشىلارى ءۇشىن قازاقستان - باستى قارسىلاس
استانا. قازاقپارات - بوكستان رەسەي قۇراماسىنىڭ باس باپكەرى الەكساندر لەبزياك ريو وليمپياداسىنا قاتىستى ءوز پىكىرىن ءبىلدىردى.
- ءبىز ەشكىمنەن قورىقپايمىز، ءبىراق قاۋىپتەنەمىز. كۋبالىقتار، قازاقتار، وزبەكتەر، پۋەرتو- ريكولىقتار بار. سوڭعى جىلدا الەمدە بوكس قارقىندى دامىپ كەلەدى. وليمپياداعا قازاقستان، ۋكراينا جانە كۋبادان باراتىن بوكسشىلاردىڭ بارلىعى مەدال الۋعا مۇمكىندىگى بار. ءبىز وليمپيادا كەزىندە ۇزدىك ۇشتىككە ەنۋگە تىرىسامىز، - دەدى رەسەيلىك مامان.
مىرزاعالي ايتجانوۆ باپتايتىن قازاقستان قۇراماسى تاريحتا العاش رەت وليمپياداعا ون جولداما الدى.
ايتجانوۆ قازاقستان قۇراماسى وليمپياداعا دەيىن بىرنەشە حالىقارالىق جارىسقا قاتىساتىنىن ايتتى، دەپ حابارلايدى alaman.kz.
