سولتۇستىك قازاقستان وبلىسىنىڭ اكىمى قىزىل سۋ باسقان ەلدى مەكەندەردى اۋەدەن شولىپ قايتتى - فوتو

پەتروپاۆل. قازاقپارات - بۇگىن س ق و اكىمى ەرىك سۇلتانوۆ پەن ق ر ءى ءى م ت ج ك ءتوراعاسىنىڭ ورىنباسارى جاسۇلان جۇماشيەۆ قىزىل سۋ باسقان ەلدى مەكەندەردى اۋەدەن شولىپ قايتتى، دەپ حابارلايدى وبلىستىق اكىمدىكتىڭ باسپا ءسوز قىزمەتى.

وبلىس اكىمى وزەن-كولدەردىڭ احۋالىن ءجىتى باقىلاپ، جەرگىلىكتى حالىقتى قىزىل سۋ باسۋدان ساقتاۋعا باعىتتالعان جەرگىلىكتى بيلىكتىڭ، قۇتقارۋ قىزمەتتەرىنىڭ جۇمىسىمەن تانىستى. شاعالالى وزەنىنىڭ ارناسى، ۇلكەن تارانكول، بوزارال، بالىقتى، سارىكول كولدەرىنە شولۋ جاسالىپ، تايىنشا جانە اققايىڭ اۋداندارى، سونداي- اق سەرگەيەۆسكي سۋ تورابىنا باقىلاۋ جۇرگىزىلدى.

ۇلكەن تارانكولدەگى جاعدايمەن تانىسۋ كەزىندە ەسىل اۋدانىنىڭ اكىمى مۇراتبەك ابىشيەۆ وڭىردەگى احۋالدى بايانداپ بەردى.

شال اقىن اۋدانىندا وبلىس اكىمى سەرگەيەۆسكي سۋ تورابىنداعى جاعدايدى ءوز كوزىمەن كورىپ قايتتى. مۇندا سەرگەيەۆسكي سۋ قويماسىنىڭ باسشىسى باعلان قارابەكوۆ جاعداي باقىلاۋدا ەكەنىن جەتكىزدى.