07:31, 05 - ءساۋىر 2016 | GMT +5
ءبىر ميلليوننان اسا وقۋشىعا دەنگە بەزگەگىنە قارسى ۆاكسينا ەگىلدى
استانا. قازاقپارات - فيليپپين وكىمەتى دەنگە بەزگەگىنە قارسى ۆاكسينا ەگۋدى باستادى، دەپ حابارلادى 24.kz.
وسى كەڭ اۋقىمدى باعدارلاما اياسىندا 9 جاستان اسقان ءبىر ميلليوننان اسا وقۋشىعا ۆاكسينا ەگىلەدى.
ەلدىڭ دەنساۋلىق ساقتاۋ ءمينيسترى دجەنەت گاريننىڭ مالىمدەۋىنشە، بۇل - ەلدىڭ مەديتسينالىق قامسىزداندىرۋ سالاسىنداعى تاريحي قادام.
2015-جىلى فيليپپيندە 200 مىڭنان اسا ادامعا دەنگە بەزگەگى جۇققان.
ادام دەنساۋلىعىنا قاۋىپتى بۇل اۋرۋدى ماسالار تاراتادى. جالپى الەم بويىنشا، جىل سايىن 390 ميلليون ادام دەنگە بەزگەگىمەن اۋىرادى.
- ۆاكسينا ەگۋ ارقىلى ءبىز دەنگە بەزگەگىن جۇقتىرۋ قاۋىپىن %93 عا قىسقارتامىز. بۇل - وتە ۇلكەن جەتىستىك. قوعامدىق دەنساۋلىق ساقتاۋ جۇيەسىنىڭ باستى ارتىقشىلىعى - وسى، دەدى ۆاكسينا شىعارۋشى كومپانيانىڭ ۆيتسە-پرەزيدەنتى گيوم لەروي.
