ا ق ش- تىڭ باس كونسۋلى ارال تەڭىزىنىڭ تولىپ كەلە جاتقانىنا قۋاندى

استانا. قازاقپارات - ا ق ش- تىڭ باس كونسۋلى مارك مۋدي قازاقستاننىڭ ارال وڭىرىنە جاساعان ساپارىندا ارال تەڭىزىنىڭ سولتۇستىك جاعىن قالپىنا كەلتىرۋ ماقساتىندا جەتكەن ەلەۋلى جەتىستىكتەردى اتاپ ءوتتى.

بۇل تۋرالى قازاقستانداعى ا ق ش ەلشىلىگىنىڭ باسپا ءسوز قىزمەتى حابارلاپ وتىر.

«امەريكا قۇراما شتاتتارى سولتۇستىك ارالدى قالپىنا كەلتىرۋ ماقساتىندا وتكىزىلگەن جۇمىستارعا قولداۋ كورسەتكەنىن ماقتان تۇتادى. مەن ارال اۋدانى حالقىنىڭ ەڭبەكقورلىعى مەن قۇلشىنىپ جۇمىس ىستەگەنىنە قاتتى سۇيسىنەمىن. وسى كىسىلەردىڭ قاجىرلى ەڭبەگىنىڭ ارقاسىندا ءبىزدىڭ بىرلەسىپ ىستەگەن جۇمىسىمىز جاعىمدى ناتيجەلەرىن بەرىپ وتىر»، - دەدى ا ق ش باس كونسۋلى مارك مۋدي كوكارال بوگەتىنە جۇمىس ساپارى بارىسىندا.

جەرگىلىكتى بالىق ونەركاسىبىنىڭ وكىلدەرى، قورشاعان ورتانى قورعاۋ سالاسىنداعى تاۋەلسىز ساراپشىلار جانە ارال اۋدانىنىڭ بيلىك ورگاندارى سولتۇستىك ارال تەڭىزىنىڭ كولەمى 2005 -جىلى كوكارال بوگەتىن سالعاننان كەيىن ءبىرشاما ۇلعايعاندىعىن اتاپ ءوتتى. دۇنيەجۇزىلىك بانكتىڭ حالىقارالىق دامۋ جانە قايتا قۇرۋ بانكىنىڭ ەڭ ءىرى ينۆەستورلارىنىڭ ءبىرى ا ق ش، ول كوكارال بوگەت جوباسىن سالۋعا $64,5 ميلليون قارجى جۇمسادى.

كورشىلەس قاراتەرەڭ اۋىلىنىڭ اكىمى باس كونسۋل مۋدي مىرزامەن كوكارال بوگەتىنە بارىپ، سۋ دەڭگەيىنىڭ قالپىنا كەلۋى جەرگىلىكتى قورشاعان ورتا جانە حالىقتىڭ دەنساۋلىعىنا وڭ اسەر ەتكەنىن، انا مەن بالا ءولىمىنىڭ ازايعانى جانە جاڭا جۇمىس ورىندارىنىڭ پايدا بولعانى جايلى ايتىپ بەردى.

«ارال تەڭىزى قالاعا 15 شاقىرىم جەرگە دەيىن جاقىنداعانىنا ريزا بولدىم. وعان قوسا، بالىق ءوندىرىسىنىڭ ۇلعايعانى مىڭداعان جاڭا جۇمىس ورىندارىن اشۋعا مۇمكىندىك تۋعىزىپ، جەرگىلىكتى حالىق سانىنىڭ 78000 جەتۋىنە سەبەپتەس بولعانى ۇمىتتەندىرەدى»، - دەدى باس كونسۋل مۋدي وڭىردەگى سەگىز بالىق وڭدەۋ زاۋىتىنىڭ ەكەۋىن ارالاعان كەزىندە. بالىق اۋلاۋ ونەركاسىبى باسشىلارى ارال تەڭىزىندەگى بالىق تۇرلەرىنىڭ سانى 2 تۇردەن 22 گە دەيىن وسكەنىن ايتتى. ولاردىڭ ونىمدەرى ەۋروپالىق ستاندارتتارعا سايكەس كەلگەسىن، بالىقتارىن ەۋروپالىق وداققا جانە باسقا دا مەملەكەتتەرگە ەكسپورتتاپ جاتقانى تۋرالى دا ءبولىستى.

ەكى امەريكالىق اعىلشىن ءتىلى مۇعالىمدەرى باس كونسۋل مۋديمەن بىرگە بارىپ، ارال اۋدانىنىڭ ۇستازدارى مەن وقۋشىلارىنا پراكتيكالىق سەمينارلار وتكىزدى. اعىلشىن ءتىلىن وقىتۋ باعدارلاماسى ءتىلدى شىڭداۋ ماقساتىندا ا ق ش- تىڭ قولداۋ كورسەتۋى قىزىلوردا وبلىسىندا جانە بۇكىل قازاقستان بويىنشا ءبىلىم بەرۋ سالاسىنداعى 25 جىلدىق ىنتىماقتاستىعىمىزدىڭ ءبىر مىسالى بولىپ تابىلادى.

ا ق ش باس كونسۋلى مارك مۋدي ارال اۋدانىنىڭ اكىمدىگىنە جانە تۇرعىندارىنا قوناقجايلىلىعى مەن ساپار بارىسىنداعى لوگيستيكالىق قولداۋ كورسەتكەنى ءۇشىن العىسىن بىلدىرەدى.

اۆتور: كەنجەكەي توقتامۇرات قىزى