17:41, 04 - ءساۋىر 2016 | GMT +6
كاشميردى تۇڭعىش رەت ايەل ادام باسقاراتىن بولدى
استانا. قازاقپارات - ءۇندىستاندىق دجاممۋ جانە كاشمير شتاتىن العاش رەت ايەل باسقاراتىن بولدى.
56 جاستاعى مەحبۋبۋ ءمۇفتي ءوزىنىڭ اكەسى جانە بۇرىنعى وڭىردىك باس ءمينيسترى ءمۇفتي مۋحامماد سايەد دۇنيەدەن وزعان سوڭ ايماق تىزگىنىن قولىنا الدى.
ەسكە سالا كەتسەك، شتاتتىڭ باس ءمينيسترى لاۋازىمى ءۇش ايداي بوس بولعان. بۇعان ءمۇفتي قۇرامىندا الىنعان ۇلتتىق- دەموكراتيالىق پارتيا مەن ءۇندىستانداعى بيلىكتىڭ «بحاراتيا دجاناتا پارتياسى» اراسىنداعى كەلىسپەۋشىلىك سەبەپ بولدى.
ءساۋىردىڭ باسىندا تاراپتار كەلىسىمگە كەلدى، ونىڭ كەي تۇستارى ءالى قۇپيا ۇستالىپ وتىر.
دجاممۋ جانە كاشمير اۋماعى ءۇشىن پاكىستان مەن قىتاي داۋلاسىپ جاتىر. پاكىستان بيلىگى ءۇندىستاندىق شتاتتىڭ ءبىر بولىگىن «جاۋلاپ الىنعان اۋماق» دەپ سانايدى.
دجاممۋ مەن كاشمير - تۇرعىندارىنىڭ دەنى (شامامەن %70) يسلام ءدىنىن ۇستاناتىن ءۇندىستانداعى جالعىز شتات.
