جاپوننىڭ مانەرلەپ سىرعاناۋشىسى يۋدزۋرۋ حانيۋ دەنيس تەننەن كەشىرىم سۇرادى
سونىمەن قاتار، فەدەراتسيا ەكى سپورتشىنىڭ اراسىندا سوقتىعىسۋدىڭ بولماعانىن مالىمدەپ، ايىپتاۋلارىن الىپ تاستادى. ال تۇسىنبەۋشىلىك تۋعىزعانى ءۇشىن يۋدزۋرۋ حانيۋ دەنيس تەننەن كەشىرىم سۇرادى. جاپون ب ا ق- تارىنىڭ مالىمەتىنشە، سپورتشىلار قول الىسىپتى. رەسمي حات قازاقستاننىڭ كونكيشىلەر فەدەراتسياسىنا جولدانىپتى.
ەسكە سالايىق، سوچي-2014 وليمپياداسىنىڭ چەمپيونى يۋدزۋرۋ حانيۋ قازاقستاندىق دەنيس تەن بوستونداعى الەم چەمپيوناتىندا قىسقا باعدارلامانى ورىنداۋ الدىنداعى جاتتىعۋ كەزىندە ونى قاساقانا سوعىپ ءوتتى دەپ مالىمدەگەن ەدى. حانيۋدىڭ ايتۋىنشا، قازاقستاندىقتىڭ بۇل ارەكەتى ونى قاتتى ۋايىمداۋعا ءماجبۇر ەتكەن، سوندىقتان ول بارلىعىن دا باسىنان باستاۋعا تۋرا كەلگەن. «مەن بەينەجازبانى قارادىم جانە ول بۇل ارەكەتتى قاساقانا جاسادى دەپ ويلايمىن»، - دەپ مالىمدەدى حانيۋ. جاپون سپورتشىسى دەنيس تەندى بۇعان دەيىن دە وسىنداي قىلىق كورسەتتى دەپ ايىپتاعان بولاتىن.
