ءماشھۇر ءجۇسىپ مۇرالارى استانادا
بۇل تۋرالى مۋزەيدىڭ باسپا ءسوز قىزمەتىنەن حابارلادى.
اتالعان شارا مۋزەيدىڭ قازاقستان رەسپۋبليكاسى تاۋەلسىزدىگىنىڭ 25 جىلدىعىن مەرەكەلەۋگە ارنالعان كورمەلەر كەزەڭىن اشادى. جانە بۇل كەزدەيسوق ەمەس: ءماشھۇر ءجۇسىپ كوپەي ۇلىنىڭ ادەبي مۇراسى تاۋەلسىزدىك پەن ەركىن ويلاۋ يدەيالارىنىڭ ىرگەتاسى بولىپ تابىلاتىن قازاق فولكلورىنىڭ وزىندىگى مەن مادەني ءارالۋاندىعىنىڭ فيلوسوفيالىق تالداۋىن بەينەلەيدى.
ادەبي كەش جانە كورمە - ق ر تۇڭعىش پرەزيدەنتى مۋزەيىنىڭ «ۇلتتىق يگىلىك» مۋزەيارالىق جوباسى نەگىزىندەگى سەرىكتەستەردىڭ مۇراجايتانۋشىلىق جۇمىسىنىڭ ناتيجەسى.
كورمەدە مۋزەي قىزمەتكەرلەرىنىڭ جيناقتاۋ جۇمىستارىنىڭ بارىسىندا جۇيەلەنگەن بۇحار جىراۋ اتىنداعى پاۆلودار وبلىستىق ادەبيەت جانە ونەر مۋزەيى، ق. ساتپايەۆ اتىنداعى مەموريالدىق مۋزەيى، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى جانە «وتىرار كىتاپحاناسى» عىلىمي ورتالىعى قورلارىنىڭ ماتەريالدارى ۇسىنىلادى.
نەگىزگى ءىس-شارا بۇحار جىراۋ اتىنداعى مۋزەيدىڭ قازاق اقىندارى مەن ويشىلدارىنىڭ مۇراسىن، ونىڭ ىشىندە ءماشھۇر ءجۇسىپ كوپەي ۇلىنىڭ مۇراسىن ناسيحاتتاۋ باعىتىنداعى ۇيىمداستىرۋشىلىق-ادىستەمەلىك جۇمىسىنىڭ ارقاسىندا جاسالدى.
ءماشھۇر-ءجۇسىپ كوپەي ۇلى: (1858-1931جىلدارى) پاۆلودار وبلىسى، باياناۋىل اۋدانىندا تۋعان. فولكلور تانۋشى، ەتنوگراف، تاريحشى، تالانتتى اقىن، اراب جانە پارسى تىلدەرىن جەتىك مەڭگەرگەن. ونىڭ ادەبي جانە عىلىمي مۇراسى - تاۋەلسىزدىك يدەياسىنىڭ تۇعىرىنا اينالعان، التىن قازىنالى قازاق مادەنيەتىنىڭ اجىراماس بولىگى.
