بىلتىرعى «قازاقستان بارىسىنىڭ» قولا جۇلدەگەرى عاني سەيدىلدايەۆ بيىل ىرىكتەۋدەن وتە الماي قالدى - فوتو

استانا. قازاقپارات - كەشە استاناداعى «داۋلەت» سپورت كەشەنىندە قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. ءا. نازاربايەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» رەسپۋبليكالىق تۋرنيرىنىڭ استانا قالالىق ىرىكتەۋ جارىسى وتكىزىلدى.

«قازاقستان بارىسى 2016» رەسپۋبليكالىق تۋرنيرىنە استانادان 38 بالۋان قاتىسىپ، فينالعا شىققان ەكى بالۋان ايبات سەيتەن مەن ايتۋار ابدۋلوۆ اقتىق سىنعا جولداما الدى.

ىرىكتەۋ كەزەڭىنە وتكەن جىلدارداعى تۋرنيردىڭ بىرنەشە فيناليستەرى قاتىستى. ولاردىڭ ىشىندە «قازاقستان بارىسى 2015» تۋرنيرىنىڭ قولا بەلبەۋ يەگەرى عاني سەيدىلدايەۆ تا باق سىنادى. وكىنىشكە قاراي سەيدىلدايەۆ بيىل ىرىكتەۋ كەزەڭىندە ءۇشىنشى ورىن يەلەنگەنى ءۇشىن فينالدىق سىنعا قاتىسۋ مۇمكىندىگىنەن ايىرىلدى. 

 

تۋرنيردى «قازاقستان بارىسى» قازاق كۇرەسىن دامىتۋ قورى، قازاقستان رەسپۋبليكاسى قازاق كۇرەسى فەدەراتسياسى، استانا قالاسى قازاق كۇرەسى فەدەراتسياسى، قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ كوميتەتى، استانا قالاسى اكىمدىگىنىڭ سپورت جانە دەنە شىنىقتىرۋ باسقارماسىنىڭ ۇيىمداستىرىپ وتكىزدى.  

ىرىكتەۋ جارىسىنىڭ قورىتىندىسى: 
  55 كەلى سالماق دارەجەسى:
 1- ورىن - تەمىرجانوۆ نۇرجان
 2-ورىن - نۇرجاۋلوۆ ناۋرىزباي
 3-ورىن - مۇقاجانوۆ ەرمەك
 3-ورىن - وردەك ادىلەت
60 كەلى سالماق دارەجەسى:
 1- ورىن - شەگەنوۆ تالعات
 2-ورىن - زارۋباي ابىلاي
 3-ورىن - ەلۋباي نۇربول
 3-ورىن - ءاشىم ساعىندىق
  66 كەلى سالماق دارەجەسى:
 1- ورىن - سابيتوۆ باقداۋلەت
 2-ورىن - ەستەكوۆ ەسكەندىر
 3-ورىن - زاقاريانوۆ ازامات
 3-ورىن - ماناربەكوۆ الاعات
  74 كەلى سالماق دارەجەسى:
 1- ورىن - ەرناحاروۆ ايان
 2-ورىن - شايزىندا اسىل
 3-ورىن - تاشماگامبەتوۆ بەرىك
 3-ورىن - يبرايەۆ جاناي
  82 كەلى سالماق دارەجەسى:
 1- ورىن - تۇرسىنبەكوۆ ەراسىل
 2-ورىن - جانات جانىبەك
 3-ورىن - تەميرحانوۆ دانيار
 3-ورىن - التىنبايەۆ بەكزات
  90 كەلى سالماق دارەجەسى:
 1- ورىن - شىلدەبايەۆ ناۋرىزباي
 2-ورىن - زەكەنوۆ اليبەك
 3-ورىن - پاك سەرگەي
 3-ورىن - سادىقوۆ ايبەك
  100 كەلى سالماق دارەجەسى:
 1- ورىن - مامبەتقۋلوۆ اسان
 2-ورىن - سەيدىلدايەۆ عاني
 3-ورىن - كينتونوۆ مۋرات
 3-ورىن - ماحتين قايرات
  100+ كەلى سالماق دارەجەسى:
 1- ورىن - سەيتەن ايبات
 2-ورىن - ابدۋلوۆ ايتۋار
 3-ورىن - شىنكەيەۆ ولجاس
 3-ورىن - بيجانوۆ دارحان
  ابسوليۋتتىك سالماق دارەجەسى:
 1- ورىن - سەيتەن ايبات
 2-ورىن - ابدۋلوۆ ايتۋار
 3-ورىن - سەيدىلدايەۆ عاني

كۇنسۇلتان وتارباي