قازاقستاندا جاسالعان اياق كيىمدەرگە سۇرانىس ارتىپ كەلەدى
ەر ادامدار مەن ايەلدەرگە ارنالعان ەتىك، تۋفليلەر تازا تەرىدەن جاسالادى. بۇگىندە ولار وبلىس بويىنشا عانا ساتىلادى. دەگەنمەن سۇرانىس شەتتەن دە ءتۇسىپ جاتىر، دەپ جازادى 24.kz.
پەتروپاۆل اياق كيىمدەر فابريكاسى - 1994-جىلدان بەرى توقتاۋسىز جۇمىس ىستەپ كەلە جاتقان ءوندىرىس وشاعى. كۇنىنە ەتىك، تۋفليدىڭ 50 جۇبىن تىگە الادى. بۇگىندە وتاندىق ءونىم تۇتىنۋشىعا تانىلىپ ۇلگەرگەن.
«اياق كيىمدەرىمىزدى رەسەيگە جونەلتپەسەك تە، ول جاقتىڭ ادامدارى وزدەرى كەلىپ ساتىپ الادى. وسىندا ولشەپ، ۇناعاندارىن كيىپ كەتەدى. ال نەگىزىنەن وبلىس بويىنشا وتكىزەمىز»، - دەيدى اياق-كيىم فابريكاسىنىڭ ديرەكتورى يۆان مناتساكانيان.
فابريكا ديزاينەرلەرى اياق كيىمدەردىڭ ۇلگىلەرىن ۇنەمى جاڭارتىپ تۇرادى. ءونىم قازاقستان، رەسەي جانە تۇركيانىڭ تازا بىلعارىسىنان جاسالادى.
«ماعان پەتروپاۆل اياق كيىمدەرى وتە ۇنايدى. ولاردىڭ ەتىگىن انام ساتىپ الادى. 5 جىل كيىپ شىقتى. ەندى وزىمە دە تاڭدادىم»، - دەيدى تۇتىنۋشى مارينا بەكرياشيەۆا.
بۇگىندە فابريكادا 10 ادام ەڭبەك ەتەدى. ولار اياق كيىمدەردى تىگىپ قانا قويماي، توزعاندارىن جوندەۋمەن دە اينالىسادى. كاسىپورىن بولاشاقتا ءوندىرىس قۋاتتىلىعىن ارتتىرۋدى دا جوسپارلاپ وتىر.
