ق ر س ءى م تاۋلى كاراباق اۋماعىنداعى جاعدايعا قاتىستى مالىمدەمەسىن جاريا ەتتى
«قازاقستان رەسپۋبليكاسىنىڭ سىرتقى ىستەر مينيسترلىگى تاۋلى كاراباققا قاتىستى جاعدايدى مۇقيات باقىلاۋدا.
جانجال اۋماعىندا وق اتۋدى توقتاتۋ ءتارتىبىنىڭ بۇزىلۋىنا جانە ادامداردىڭ قازا بولۋىنا قاتتى الاڭداۋشىلىق بىلدىرەمىز.
تاراپتاردى ۇستامدىلىق تانىتۋعا جانە وق اتۋدى توقتاتۋ تۋرالى ۋاعدالاستىقتاردى قاتاڭ ۇستانۋعا شاقىرامىز.
ەۋروپاداعى قاۋىپسىزدىك جانە ىنتىماقتاستىق ۇيىمىنىڭ تاۋلى كاراباق ماسەلەسىن رەتتەۋ بويىنشا مينسك توبىنىڭ كۇش-جىگەرىن قولداي وتىرا، جانجالدى تەك قانا بەيبىت جولمەن شەشۋ قاجەتتىلىگى جونىندە ۇستانىمىمىزدى قايتا راستايمىز»، دەلىنگەن حابارلامادا.
«قازاقستان رەسپۋبليكاسى تاۋلى كاراباق ماسەلەسىنىڭ ءپاتۋالىق شەشىمدەرىن ىزدەۋ ۇدەرىسىن جانداندىرا ءتۇسۋدى جاقتايدى جانە جانجالدى رەتتەۋدە ىلگەرى جىلجۋ ءۇشىن مۇددەلى تاراپتاردىڭ سىندارلى كوزقاراس تانىتاتىنىنا سەنىم ارتادى»، دەپ حابارلادى ۆەدومستۆونىڭ باسپا ءسوز قىزمەتى.
