زۋقا باتىردىڭ مەرەيتويىنا ارنالعان اقىندار ايتىسى وتەدى
زۋقانىڭ اكەسى شىعىس وڭىرىنە اسا تانىمال بولعان ءسابيت داموللا. ارعى اتاسى نۇرمۇحاممەد ابىز. تەكتى اۋلەتتەن شىققان باتىر بابامىز، ورىس وتارشىلدىعى مەن گومينداڭ قىتاي ەزگىسىنە تاپ بولعان قازاق حالقىن ازات ەتۋ جولىندا قازا تابادى. بيىل باتىر بابامىزدىڭ تۋعانىنا 150 جىل تولدى.
ەسكە الۋ شارالارى قازاقستان، گەرمانيا، اۆستريا، انگليا، امەريكا، تۇركيا، قىتاي، موڭعىليا سىندى 11 ەلدە جۇرگىزىلەدى.
الماتى وبلىسى مادەنيەت مۇراعاتتار جانە قۇجاتتاما باسقارماسى مەن الماتى وبلىسى جاستار ساياساتى ماسەلەلەرى باسقارماسى
زۋقا باتىردىڭ 150 جىلدىق مەرەيتويىنا ارنالعان وبلىستىق اقىندار ايتىسىنىڭ ەرەجەسى
ايتىستىڭ نەگىزگى ماقساتى:
ۇلتتىق ونەردىڭ اياسىن كەڭەيىتىپ، تاريحي تۇلعالاردى ۇلىقتاپ، ەلىنىڭ ەلدىگىن جىرلاعان بابالارىمىزدىڭ مۇراسىن ۇرپاققا جەتكىزىپ، تاۋەلسىزدىك جىلدارىندا قول جەتكىزگەن قۇندىلىقتاردى دارىپتەپ، جاس ۇرپاقتى وتان سۇيگىشتىككە باۋلۋ. ەل تاۋەلسىزدىگىن جالىندى جىرلار، تەرەڭ تەڭەۋلەر، اسەم اۋەندەرى ارقىلى جىرلاۋ. زۋقا بابامىزدىڭ رۋحىن قاستەرلەپ، ءتول ونەردىڭ ماڭگىلىك عۇمىرى جايلى ءداستۇر جالعاسىن ساقتاي وتىرىپ، ۇرپاقتان ۇرپاققا كەڭىنەن ناسيحاتتاۋ.
تومەندەگى جايلار باستى نازاردا بولادى
- ايتىسكەر اقىننىڭ قولما-قول، سۋىرىپ-سالمالىلىعىمەن بىرگە ايتاتىن جىرىن دومبىراعا قوسىپ لايىقتى اۋەن، ماقال، سوزبەن ورىندالۋى؛
- ايتىسكەردىڭ جان-جاقتى بىلىمدىلىگى، وي مەن قيال ۇشقىرلىعى، كوركەم تەڭەۋ مەن استارلى سوزدەردى ورىندى قولدانىپ، تاقىرىپتى اشا ءبىلۋى؛
- ايتىس سارىننىڭ، ماقساتىن ۇعىنا وتىرىپ، قارسىلاسىنا ۇتىمدى دا ورىندى جاۋاپ قايتارۋ، تويتارىس بەرۋ قابىلەتى؛
- ورىنداۋشىلىق شەبەرلىگى، ايتار ويىن تۇيىندەۋى ساحنالىق مادەنيەتى جانە كيىم ۇلگىسى.
ايتىستى وتكىزۋدىڭ ءتارتىبى جانە شارتتارى
- وبلىستىق اقىندار ايتىسىنا قاتىساتىن ۇمىتكەرلەردىڭ جاس مولشەرىنە شەكتەۋ قويىلمايدى؛
- وتىنىمدەر 12 ساۋىرگە دەيىن جىبەرىلۋى ءتيىس.
- ايتىسقا ءار اۋداننان 1 ۇمىتكەر قاتىسادى؛
- ايتىسقا حالقىمىزدىڭ ءتىلىن، ءداستۇرىن، تاريحىن جانە ادەبيەتىن تەرەڭ بىلەتىن سۋىرىپ سالما اقىندار قاتىسادى؛
- ايتىستا ەلدىڭ بىرلىگىنە، ۇلتارالىق تاتۋلىققا نۇقسان كەلتىرەتىن، كونستيتۋتسيالىق قۇرىلىمعا قارسى ايتىلاتىن سوزدەرگە جول بەرىلمەيدى؛
- وسى قاعيدانىڭ جوعارىدا كورسەتىلگەن ارەكەتكە جول بەرىلگەن جاعدايدا اقىن ايتىستان شەتتەتىلەدى؛
- اقىندار قازىلار القاسىنىڭ شەشىمىنە جانە وسى قاعيدانىڭ تالاپتارىنا باعىنۋى ءتيىس؛
- ايتىسقا قاتىسۋ ءۇشىن اۋدان، قالالارىنىڭ مادەنيەت ءبولىم باسشىلارىنىڭ، قوعامدىق بىرلەستىكتەردىڭ جانە باسقا دا زاڭدى تۇلعالاردىڭ ۇسىنىسى بولۋى قاجەت؛
- ايتىسقا قاتىسۋشى اقىندار ۇيىمداستىرۋ كوميتەتىنە ءوتىنىش بەرەدى.
وتىنىشكە مىناداي قۇجاتتارى قوسا ۇسىنىلادى:
1. ءومىربايانى تۋرالى ماعۇلماتتار.
2. تۋعان جەرى، كۇنى، ايى، جىلى، ۇلتى.
3. جۇمىس نەمەسە وقۋ ورنىنان انىقتاما.
4. تۋۋ تۋرالى نەمەسە جەكە كۋالىك كوشىرمەسى.
5 باسقا ايتىستاردا جەتكەن جەتىستىكتەرىن كۋالاندىراتىن قۇجات (ديپلوم جانە ماراپاتتاۋ قاعازدارى)
6. ءتيىستى مەكەمەنىڭ ۇسىنىس حاتى.
7. بايلانىس تەلەفوندارى.
- اقىندار جەرەبە تارتۋ ءادىسى ارقىلى جۇپتارعا ءبولىنىپ ايتىسادى؛
- اقىنداردىڭ ءسوز سايىستىرۋ (ايتىسۋ) ۋاقىتىنىڭ ۇزاقتىعىن قازىلار القاسى بەلگىلەيدى؛
- جەڭىمپازدار مىناداي باس جۇلدە، I، III، Ⅲورىندار بويىنشا ماراپاتتالادى:
باس جۇلدە - 1 /بىرەۋ
I ورىن - 1 / بىرەۋ
Ⅱورىن - 1 /بىرەۋ
Ⅲورىن -1 /بىرەۋ
- جەڭىمپازدارعا باسقا دا ىنتالاندىرۋ سىيلىقتار جانە العىس حاتتارمەن ماراپاتتالادى؛
- اقىنداردىڭ ايتىسقا بارىپ - كەلۋ شىعىندارىن جىبەرۋ جاق تاراپىنان.
ايتىس كەلەسىدەي بويىنشا باعالانادى
1. ورىنداۋشىلىق شەبەرلىگى (ورىنداۋشىنىڭ دەربەستىگى)
2. ساپالىق دەڭگەيى.
3. ساحنا مادەنيەتى.
4. ادەبي ءتىل بايلىعى.
5. تاقىرىپتى دۇرىس اشا ءبىلۋى.
6. قارسىلاسىنا جاۋاپ بەرۋ شەبەرلىگى.
7. ءداستۇرلى ايتىس ماقامىن ۇيلەستىرە قولدانا ءبىلۋ.
8. قازىرگى تاڭداعى وزەكتى ماسەلەلەردى كوتەرە ءبىلۋ.
9. تاقىرىپتان اۋىتقىماي، ۇيقاستىرا جەتكىزۋ.
ايتىستىڭ وتكىزىلۋ ءتارتىبى
ايتىس ەكى اينالىم بويىنشا وتكىزىلەدى:
ءبىرىنشى اينالىمدا ىرىكتەۋ، ءار جۇپقا 20 مينۋت ۋاقىت بەرىلەدى؛
ءبىرىنشى اينالىمنان مارەگە شىققان جۇپتارعا 30 مينۋتتان ۋاقىت بەرىلىپ، ۇپاي ساندارىمەن جۇلدەگەرلەر انىقتالادى.
وتكىزىلۋ ورنى مەن مەرزىمى
بايقاۋ تالدىقورعان قالاسى، ءى. جانسۇگىروۆ اتىنداعى مادەنيەت سارايىندا 2016-جىلعى 24- ءساۋىر كۇنى ساعات 10:00 دە وتكىزىلەدى. تىركەۋ ساعات 09:00. تىركەۋگە قاتىسپاعان قاتىسۋشىلار ايتىسقا جىبەرىلمەيدى.
ەسكەرتۋ:
11- ءساۋىر كۇنى ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ اكت زالىندا ساعات 10:00 دە ىرىكتەۋ وتەدى. ىرىكتەۋدەن وتكەن اقىندار سايىسقا جولداما الادى.
Baq.kz
