بريۋسسەل اۋەجايى لاڭكەستىكتەن كەيىن ەكى اپتاعا جۋىق ۋاقىتتان سوڭ جۇمىسىن ءىشىنارا قالپىنا كەلتىرەدى

استانا. قازاقپارات - بريۋسسەل اۋەجايى جەكسەنبى كۇنى ءىشىنارا اشىلادى، دەپ مالىمدەدى اۋەجايدى باسقارۋشى كومپانيا ديرەكتورى ارنو فەيست اۋە ايلاعىنىڭ جۇمىسىن قالپىنا كەلتىرۋ ماسەلەسى بويىنشا وتكەن باسپا ءسوز ءماسليحاتىندا، دەپ حابارلادى ر ي ا نوۆوستي.

«جەكسەنبى كۇنى بريۋسسەل اۋەجايى ءىشىنارا جۇمىس جاسايدى»، - دەپ مالىمدەدى فەيست. بۇل كۇنى ءۇش ۇشىرىلىم جۇزەگە اسىرىلادى: پورتۋگاليالىق فارۋ قالاسىنا، يتالياندىق تۋرينگە جانە گرەكيا استاناسى - افينىعا ۇشىرىلادى. سونىمەن قاتار ول اۋەجاي اعىمداعى جىلعى ماۋسىمنىڭ سوڭىندا نەمەسە شىلدەنىڭ باسىندا ءوز جۇمىسىن تولىق قالپىنا كەلتىرەتىنىن اتاپ ءوتتى. اەروۆوكزالدا قوسىمشا قاۋىپسىزدىك شارالارى ەنگىزىلەدى.

ەسكە سالا كەتەيىك، 22- ناۋرىزدا تاڭەرتەڭ بريۋسسەل حالىقارالىق اۋەجايىندا ەكى جارىلىس بولعان ەدى. ءۇشىنشى جارىلىس كەيىنىرەك مەترونىڭ «مالبەك» ستانساسى ۆاگونىندا بولدى. لاڭكەستىك اكتى سالدارىنان 32 ادام قازاعا ۇشىرادى، تاعى 340 ادام ءارتۇرلى دارەجەدە جارالاندى. لاڭكەستىك شابۋىلىنا جاۋاپكەرشىلىكتى «يسلام مەملەكەتى» سودىرلارى ءوز موينىنا الدى.