دەنيس تەن: مەن كارىس ۇلتىنان شىققان قازاقپىن

استانا. قازاقپارات - قازاقستاندىق مانەرلەپ سىرعاناۋشى دەنيس تەن بوستوندا وتكەن الەم چەمپيوناتىنان كەيىن قولداۋ بىلدىرگەن بارشا جانكۇيەرلەرىنە العىسىن ءبىلدىردى.

سونداي-اق، كارىس مانەرلەپ سىرعاناۋشىسى يۋدزۋرۋ حانيۋ اراسىنداعى كەلەڭسىزدىككە بايلانىستى پىكىرىن ايتتى.

- مەنىڭ جەكە ەلەكتروندى پوشتاما كەلىپ جاتقان جەكە باسقا تيىسەتىن حاتتار تولاستار ەمەس. ءبىرى - ۇلتارالىق ءدۇردارازدىقتى قوزعاۋدى ماقسات تۇتسا، ءبىرى - مەنى ايىپتاپ وتىر. شىن مانىندە نە بولعانىن ولاردىڭ وزدەرىنەن سۇراعىم كەلەدى.

ءبىراق، ايتپاي كەتكەن تاعى بولماس. AFP, Japan Today, Nikkan Sports, NBCSports, Xinhua, Kyodo News, Daily Mail  جانە تاعى باسقا حالىقارالىق باسىلىمدار جاتتىعۋ كەزىندەگى جاعدايدى ءبىرجاقتى قاراپ، ۋشىقتىردى. مەنىڭ وسى اقپاراتتارمەن جانە جاراقاتپەن كۇرەسىپ جۇرگەندە الەم چەمپيوناتى دا اياقتالىپ قالدى.

قيالدان قۇراستىرىلعان شۋلى تاقىرىپتى تالقىلاعىم كەلمەيدى. مەن تاربيەلى وتباسىندا ءوستىم. مۇنداي ماسەلەلەردى بەتپە-بەت شەشۋگە داعدىلانعانمىن. بۇل شۋ مەنىڭ جۇرەگىمە قادالدى.

ءيا، مەن كورەي ۇلتىنان شىققان قازاقپىن. سوندىقتان ماعان ايتىلىپ جاتقان  «Korea-Phobia» (كورەيفوبيا) سياقتى نامىسقا تيەتىن سوزدەر مەنى قورقىتا المايدى. مەن بۇكىل تاعىلعان ايىپقا تەك «جوق» دەپ جاۋاپ بەرەمىن.

«مەن قولداۋ بىلدىرگەن بارشا جانكۇيەرلەرگە العىسىمدى بىلدىرەمىن. جاراقاتپەن ونەر كورسەتۋ قيىن بولدى. جانكۇيەرلەردىڭ ءۇمىتىن اقتاماۋ ودان دا قيىنعا سوقتى»، - دەدى دەنيس تەن.

ايتا كەتەيىك، سوچي وليمپياداسىنىڭ چەمپيونى يۋدزۋرۋ حانيۋ بوستونداعى الەم چەمپيوناتىنا دايىندىق كەزىندە دەنيس تەن ونى ادەيى سوعىپ كەتتى دەپ ايىپتاعان بولاتىن. ال جاپونيا تارابى ISU- دان تەندى جازالاۋدى تالاپ ەتكەن ەدى، دەپ جازادى massaget.kz.