08:00, 03 - ءساۋىر 2016 | GMT +5
ساراپشىلار يادرولىق قاۋىپسىزدىك سامميتىن قازاقستاندا وتكىزۋ باستاماسىن قۇپتادى
استانا. قازاقپارات - ەلباسى نۇرسۇلتان نازاربايەۆتىڭ يادرولىق قاۋىپسىزدىك جونىندەگى حالىقارالىق دارەجەدەگى سامميتتى قازاقستاندا وتكىزۋ باستاماسىن رەسەي ساراپشىلارى قولداپ وتىر، دەپ حابارلادى www.24.kz.
ساياسات تانۋشى ءارى جازۋشى دميتري ۆەرحوتۋروۆتىڭ ايتۋىنشا، قازاقستاندا جاڭا پىكىر الاڭى قالىپتاسسا، ول يادرولىق قاۋىپسىزدىك ماسەلەلەرىن تالداۋدا الەمدىك دەرجاۆالاردىڭ باسىن بىرىكتىرىپ، كەلەڭسىزدىكتەردىڭ الدىن الار ەدى. ايتا كەتۋ كەرەك، كورشى رەسەي ەلى بۇل جولى اتالعان سامميتكە قاتىسقان جوق.
«قازاقستان - بۇرىنعى سەمەي پوليگونىنىڭ سالدارىنان يادرولىق قاۋىپسىزدىك ماسەلەسى وزەكتى تۇرعان ايماق. وعان قوسا قازاقستاندا ۋران ءوندىرۋ جانە وڭدەۋ سالاسىندا تاجىريبە قالىپتاسقان. ارنايى ماماندارى دا بار. يادرولىق سىناقتاردان زاقىمدانعان جەرلەردى زالالسىزداندىرۋ مەن زارداپ شەككەندەرگە كومەكتى كوبەيتۋ باستاماسى وتە قۇپتارلىق ۇسىنىس دەپ ويلايمىن»، - دەدى ساياساتتانۋشى دميتري ۆەرحوتۋروۆ.
