سولتۇستىك قازاقستانداعى دونەتسكوە اۋىلىن توپان سۋ الىپ كەتتى - فوتو

استانا. قازاقپارات - سولتۇستىك قازاقستان وبلىسىنداعى دونەتسكوە اۋىلىن توپان سۋ الىپ كەتتى.

ادام بويىنداي بوپ كەلگەن سۋ قورا- قوپسى مەن ۇيلەردى ءاپ- ساتتە شايعان دەپ حابارلايدى ك ت ك ارناسى.

بۇعان دەيىن اۋىلعا قاۋىپ ءتونىپ تۇرعانى مۇلدەم ەسكەرتىلمەگەندىكتەن، جۇرت ابدىراپ قالىپتى. 300 وتباسى بار ەلدى- مەكەننىڭ تەڭ جارتىسى ءقازىر قاڭىراپ تۇر. 140 ادام كورشى اۋىلعا كوشىرىلدى. ال قولداعى مال مەن قۇستىڭ كوبى سۋعا تۇنشىعىپ ولگەن.

توپان سۋ 31 -ناۋرىز كۇنى تال تۇستە لاپ قويدى. ابدىراپ قالعان جۇرتتىڭ قارا باستارىن عانا اراشالاپ قالۋعا مۇرشالارى كەلگەن. بيىكتىگى ەكى مەترگە دەيىن جەتكەن تولقىننىڭ قاي جاقتان كەلگەنىن دە تۇسىنبەدىك دەيدى ولار. قىزىل سۋ قورا قوپسىنى باسىپ، ۇيلەرگە كىرىپ كەتكەن.

«بىردەن تايىنشا اۋدانىنىڭ اكىمدىگىنە حابارلاستىق. اكىم جوق دەدى. سوسىن تۇتقانى كوتەرمەي قويدى. ال توتەنشە جاعداي ماماندارى باتەڭكە كيىپ كەلىپتى. تۇردى قاراپ. مەنىڭ قوجالىعىم بار ەدى، بارلىق تۇقىم سۋعا كەتتى. اناۋ كورشىدە 25, مىنا كورشىدە 20 شاقتى قويى مەن قارا مالى تەڭكيىپ ءولىپ جاتىر»، - دەيدى دونەتسكوە اۋىلىنىڭ تۇرعىنى ۆلاديمير كۋلاكوۆسكي.

140 ادام قاۋىپسىز جەرگە شىعارىلعان. كوپشىلىگى كورشى اۋىلدارداعى تۋعان تۋىستارىنىڭ ۇيلەرىن جاعالاپ كەتىپتى.

300 گە تارتا ءتۇتىنى بار اۋىلدىڭ قازىر تەڭ جارتىسى قاڭىراپ تۇر. سۋ لاپ قويعان كەزدە تۇرعىندار ۇيلەرىن تاستاي قاشقان. بەلۋاردان كەلەتىن سۋدان ول باسپانالارعا قۇتقارۋشىلاردىڭ وزدەرى ارنايى تەحنيكامەن جەتە الماي جاتىر. سۋ تاعى دا كوتەرىلۋى مۇمكىن.

كەيبىرى بۇگىن، سۋ تارتىلعان كەزدە كەلىپ، ءتورت تۇلىگىن تۇگەندەپ ءجۇر. ارام ولگەندەرىن كولىكتەرگە ارتىپ، اۋىل سىرتىنا شىعارۋدا.

«ەشكىم مۇنداي جاعدايعا دايىن بولعان جوق. ەشكىم ەسكەرتپەدى دە. بالالار شوشىپ قالدى. مىنە، قۇستار مەن تورايلارىم قىرىلىپ قاپتى»، - دەيدى دونەتسكوە اۋىلىنىڭ تۇرعىنى گالينا ۆىشينسكايا.

رەسمي اقپارات بويىنشا، اپات القاپتاردا جاتقان قالىڭ قاردىڭ كۇرت ەرۋى مەن جاڭبىردان بولعان. دونەتسكوە اۋىلى ءتىپتى سۋ باسۋ ءقاۋپى تونگەن ەلدىمەكەندەر تىزىمىندە بولماپتى دا.

«بۇل اۋىلعا توپان سۋ كىرەدى دەپ بولجانباعان. سۋ ەگىستىك القاپتارىنان كەلىپ جاتىر. كۇتپەگەن جاعداي بولدى. شامامىز كەلگەنشە ادامداردى قۇتقاردىق. سۋ قارقىنى قاتتى. تاعى دا باسىپ قالۋ ءقاۋپى جوق ەمەس. قولدان كەلگەندى جاساپ جاتىرمىز»، - دەيدى تايىنشا اۋدانىنىڭ اكىمى ەرجان يمانيسلام.

سىرتتان ەكپىنمەن كەلگەن سۋدىڭ ارناسىن بۇرۋ ءۇشىن اۋدانارالىق جولدى بۇزۋعا تۋرا كەلگەن. ءبىراق ءالى دە ءقاۋىپ سەيىلگەن جوق. قازىر بارلىق قۇتقارۋ قۇرىلىمدارى وسى دونەتسكوە اۋىلىندا. ارنايى كوميسسيا قۇرىلىپ، شىعىن كولەمىن دە سولار ەسەپتەيتىن بولادى.