جوعارى وقۋ ورىندارى ۋاقىت وتە كەلە جەمقورلىقتى جويۋعا ءماجبۇر بولادى - د. نازاربايەۆا
«وقىتۋ ساپاسىن ارتتىرۋ تالاپتارىنىڭ كۇشەيۋى اسەرىنەن جوعارى وقۋ ورىندارى ءوز قاتارىن تازارتۋعا ءماجبۇر بولادى. بۇگىن اكادەميالىق ادىلدىك تۋرالى ءسوز قوزعادىق. ماسەلە تەك ستۋدەنتتەردە عانا ەمەس، سونىمەن قاتار ءوز جۇمىستارىن ساۋداعا، ال زاچەت پەن باعانى تاۋارعا اينالدىرعان پروفەسسورلىق- وقىتۋشىلىق قۇرامعا دا كوپ بايلانىستى. بۇل ءبىزدىڭ ەلدىڭ بەدەلىنە ۇلكەن نۇقسان كەلتىرەدى، سونىمەن قاتار وسىنداي «جالعان» ديپلومدارىمەن عىلىم مەن بىلىمگە، دەنساۋلىق ساقتاۋ، ەكونوميكا سالالارىنا كەلەتىن بۋىنعا دا ۇلكەن زالالىن تيگىزەدى»، - دەدى ول بۇگىن استاناداعى ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىنە جاساعان ساپارى كەزىندە.
«ءبىز بۇگىن ءوزىمىزدىڭ دارىگەرلەردەن قورقامىز، سەبەبى ءبىز وتاندىق مەديتسينا ماماندارىنىڭ قالاي دايارلاناتىنىن بىلەمىز. اۋىل شارۋاشىلىعى جوعارى وقۋ ورىندارىن بىتىرگەن قانشا مامان ەلىمىزدىڭ ەكونوميكاسىنا قايتىپ كەلدى؟ ولاردىڭ بارلىعى قايدا؟ ەشكىم اۋىلدا جۇمىس ىستەگىسى كەلمەيدى. بۇگىندە الەۋەتى وتە جوعارى اۋىل شارۋاشىلىعى سالاسى بار. اۋىلدا وسى سالانى اياقتان كوتەرۋگە ىنتاسى بار جانە وسىنىڭ جولىندا بارلىعىنا بارۋعا دايىن جاس ماماندارىمىزدى دايىنداۋىمىز كەرەك»، - دەپ اتاپ ءوتتى ۆيتسە- پرەمەر.
اۆتور: جاسۇلان جولدىبايەۆ
