ءبىر- بىرىنە ۇقساي ما: قازاقستاندىق جۇلدىزدار مەن ولاردىڭ تۋعان باۋىرلارى - فوتو
ولاردى ءبىر كورگەننەن-اق جاقىن ءبىر انا مەن ءبىر اكەدەن تۋعانىن بايقاۋعا بولادى. ءبىر قىزىعى، ءبىر- بىرىنە مۇلدەم ۇقسامايتىن اعالى-ىنىلىلەر مەن اپكەلى- سىڭلىلەر دە بار. جۇلدىزداردىڭ ءبىرتۋعاندارىنا قانشالىقتى ۇقسايتىنىن بىرگە انىقتاپ كورەيىك.
كامشات جانە التىناي جولدىبايەۆالار
حالىق كامشات جولدىبايەۆانى جاقسى تانىسا دا، تۋعان ءسىڭلىسى التىناي تۋرالى كوپ بىلە بەرمەيدى. التىناي ءان ايتپاسا دا، ءبىر كىسىدەيىن تەاتر ساحناسىندا جۇرتتى ونەرىمەن تامساندىرا بىلەدى. 2015 -جىلى اداسقاندار تەلەحيكاياسىندا باستى ءرولدى سومدادى. باستاپقىدا بۇل رولگە كامشات جولدىبايەۆانى شاقىرعان ەكەن. ءانشىنىڭ تۇسىرىلىمنەن قولى بوساماعاندىقتان، ءرول سىڭلىسىنە بۇيىرعان.
ايدانا جانە ەرمەك مەدەنوۆتەر
ايدانا «KەشYou» توبىنىڭ ەكس- ءسوليسى ءارى سانگەر. جاقىن كۇندەردىڭ بىرىندە سۇلۋىق سالونىن اشتى. ال اعاسى ەرمەك مەدەنوۆ «SuperStarKZ» جوباسىنىڭ فيناليسى، ساكسافونشى ءارى كومپوزيتور.
قۇرالاي مەن مەرەي ءنۇرقادىلوۆالار (اكەلەرى ءبىر)
قۇرالاي ءنۇرقادىلوۆا ەلىمىزگە تانىمال سانگەر ءارى سۋرەتشى. وزىنە تيەسىلى «قۇرالاي» اتتى ءسان ءۇيى بار. Kazakhstan Fashion Week جانە ماسكەۋ مەن ەكاتەرينبۋرگ قالالارىندا وتەتىن ءسان اپتالىعىنىڭ تۇراقتى قاتىسۋشىسى. ال مەرەي ءنۇرقادىلوۆا ءانشى ماقپال ءجۇنىسوۆا مەن زامانبەك ءنۇرقادىلوۆتىڭ قىزى. انالارى بولەك بولعانىمەن، ەكەۋىنىڭ اكەسى ءبىر.
نايليا زايىتوۆا مەن ءادىل ليان
بەلگىلى پروديۋسەر ءادىل ليان مەن «كەشيۋ» توبىنىڭ ەكس- ءسوليسى ءنايليا زايىتوۆا ءبىر انا مەن اكەدەن تۋماسا دا، ەتەنە جاقىن تۋىسقاندىق بايلانىستارى بار. ءادىل ءبىر كەزدەرى تۋىسقان قارىنداسى ونەر كورسەتكەن «Bionic» توبىنىڭ پروديۋسەرى بولعان، ءقازىر ءنايليا جەكە ورىنداۋشى رەتىندە تانىمال.
ءمادي رىمبايەۆ پەن ءالي وقاپوۆ
اعايىندى ءمادي مەن ءاليدىڭ تەگى بولەك. مۇنىمەن قاتار، ءانشى ءاليدىڭ سىرتقى كەلبەتى اكەسى تاسقىن وقاپوۆقا تارتسا، ءمادي اناسىنا ۇقساعان. اعايىندىلاردىڭ سىرت كەلبەتى مەن
مىنەز- قۇلقى ءبىر- بىرىنە ۇقساماسا دا، ولار ءبىر كەمەنىڭ باسىن ۇستاپ، ونەر الەمىندە قاتار جۇزبەك.
التىناي مەن تالعات جورابايەۆتار
ءانشىنىڭ تۋعان باۋىرى تالعات ءان ايتىپ قانا قويماي، «حانتالاپاي» اتتى فيلمگە ءتۇسىپ، ءوزىنىڭ باعىن سىناپ كورگەن.
قىمبات پەن قاراقات ءابىلدينالار
قىمبات ءابىلدينا - العاش 2000 -جىلدىڭ كۇزىندە شىعارىلا باستاعان رەسپۋبليكالىق «ايگولەك» جۋرنالىنىڭ باس رەداكتورى. كوپبالالى وتباسىندا دۇنيەگە كەلگەن قاراقات ءابىلدينا ەسترادامىزدىڭ بەلگىلى ءانشىسى، ءداستۇرلى ونەردىڭ ناسيحاتتاۋشىسى.
قايرات نۇرتاس پەن اقەركە تاجىبايەۆا (بولەلەر)
قايرات نۇرتاس پەن اقەركە تاجىبايەۆانى بارلىعى تانىسا دا، ولاردىڭ جاقىن تۋىسقان ەكەنىن ەشكىم بىلە بەرمەيدى. قوس جۇلدىزدىڭ انالارى ءبىرتۋعان. ءبىرى ەسترادامىزدىڭ تانىمال ءانشىسى، ەكىنشىسى قوبىز اسپابىن جەتىك مەڭگەرگەن كۇيشى. ەكى ونەرپاز ءبىر كەزدەرى «الماتى ءتۇنى» ءانىن بولىسە الماعان بولاتىن.
باعىم مۋحيدەنوۆا مەن بايان ەسەنتايەۆا
حالىق باعىمعا قاراعاندا، بايان ەسەنتايەۆانىڭ جاس كورىنەتىنىن ءجيى ايتادى. ەكەۋى دە «شاين پروداكشن» كومپانياسىندا قىزمەت ىستەپ، جۇلدىزداردى ۇلكەن ساحناعا ازىرلەيدى. 2016 -جىلدىڭ كۇز ايىندا اتالعان كومپانيانى استانا قالاسىنا كوشىرىپ، ەلىمىزدىڭ باس قالاسىندا شاكىرت تاربيەلەۋدى قولعا الىپ جاتىر.
رۇستەم مەن دانا نۇرجىگىتوۆتەر
دانا نۇرجىگىت بەلگىلى تەلەجۇرگىزۋشى، ال رۇستەم «KZ» توبىنىڭ ءسوليسى. تەلەجۇرگىزۋشىنىڭ «دارا جول» اتتى جوباسى بار، رۇستەم نۇرجىگىت قازىرگى تاڭدا جەكە ورىنداۋشى رەتىندە تانىمال.
اقكەنجە ءالىمجان مەن نۇرلان ءالىمجان
نۇرلان ءالىمجاندى ەلباسىنىڭ ءرولىن سومداعاننان كەيىن قازاق ەلى عانا ەمەس، اتالعان فيلم كورسەتىلگەن شەتەلدەر دە تانيتىن بولدى. ءتۇرلى ءرولدى سومداپ ۇلگەرگەن اكتەر ءان دە ايتادى. اقكەنجە ءالىمجاننىڭ دا وزىندىك تىڭدارماندارى بار. ول دا اعاسى سەكىلدى اكتەرلىك شەبەرلىكتى مەڭگەرىپ، قازىرگى تاڭدا ءان ايتىپ ءجۇر. قوس جۇلدىزدىڭ انالارى بولەك بولعانىمەن، اكەلەرى ءبىر.
ايساۋلە باقىتبەك پەن ايارۋ باقىتبەك
بايان ەسەنتايەۆانىڭ ۇلكەن قىزى قازىرگى تاڭدا شەتەلدە ءبىلىم الىپ جاتىر. بولاشاقتا اناسى سەكىلدى تانىمال ادام بولماسا دا، جۋرناليستيكا سالاسىندا مىقتى مامان بولعىسى كەلەتىنىن ءجيى ايتادى. ال ءۇش جاسىنان ەرنىن قىزىل دالاپپەن بوياعاندى ۇناتاتىن بويجەتكەن الەمدىك دەڭگەيدەگى ءسان كورسەتىلىمدەرىنە قاتىسىپ ۇلگەرگەن.
بايعالى سەركەبايەۆ پەن ءجاميلا سەركەبايەۆا
بايعالى سەركەبايەۆ «ا- ستۋديو» توبىنىڭ بەلگىلى مۇشەسى، قازاقستاندىق مۋزىكاشى ءارى كوپتەگەن ءاننىڭ اۆتورى. قۇرمانعازى اتىنداعى الماتى كونسەرۆاتورياسىندا ءبىلىم العان. ال ءجاميليا سەركەبايەۆا - سكريپكاشى.
رۇستەم مەن داستان ورازبەكوۆ
اعايىندىلار «وردا» توبىندا كوپتەگەن جىل بىرگە ونەر كورسەتكەن. الايدا بەلگىسىز سەبەپتەرمەن رۇستەم ورازبايەۆ توپتان كەتەدى. داستان اعاسىنىڭ اۋلەتتىڭ قامىن ويلاپ، بار ۋاقىتىن تۋعان- تۋىسقانداردىڭ جاعدايىن جاساۋعا ارنايتىنىن ايتادى. ال داستان ورازبەكوۆ ءدال ءقازىر اتالعان توپتا ونەر كورسەتەدى. مۇنىمەن قاتار، جاقىندا «Turkiss» توبىن حالىققا تانىستىرىپ، پروديۋسەرلىكتى قولعا الدى.
ايىم التىنبەكوۆا مەن ءىلياس
ايىم التىنبەكوۆا نەبارى 18 جاسىندا تانىمال تەاتر اكتريساسى ليديا كادەننىڭ جالعىز ۇلىنا تۇرمىسقا شىققان. ارۋ مەكتەپ وقۋشىسى بولعاندىقتان، جولداسى قۇدا ءتۇسۋ ءۇشىن ەكى جىل ۋاقىت كۇتكەن ەكەن. ال باۋىرى ءىلياس «Mysterions» توبىنىڭ بەدەلدى مۇشەسى.
ەسبولات پەن ەربولات بەدەلحاندار
اعايىندىلار بىرىگىپ «وردا» توبىندا ونەر كورسەتەدى. ەربولات بەدەلحان وتكەن جىلدىڭ جەلتوقسان ايىندا «eNinety on» اتتى توپ قۇرىپ، پروديۋسەرلىكپەن اينالىسقان بولاتىن. ال ەسبولات بەدەلحان انشىلىكپەن قاتار، رەجيسسەرلىكتى قولعا العان.
ساندۋعاش ستامعازيەۆا مەن رامازان ستامعازيەۆ
اعالى- قارىنداس ءداستۇرلى ونەردىڭ ناسيحاتتاۋشىسى.
ايسۇلۋ مەن ءابدۋالى ازىمبايەۆتار
اكتريسا حالىققا «اسەل جانە ونىڭ دوستارى» تەلەحيكاياسى ارقىلى تانىلعان. قيالىنا ەرىك بەرىپ، جۇمىسىنا تولىقتاي بەرىلۋدى ءجون كورەدى. جاس اكتريسانىڭ تۋعان باۋىرىنىڭ مىنەزى اپكەسىنە قاراعاندا، الدەقايدا ەرەكشە. ايسۇلۋ ازىمبايەۆا ونەرگە جان- تانىمەن بەرىلگەن جان بولسا، ءابدۋالى ارمان- قيالعا بەرىلۋدى ۇناتپايتىنىن جان. ءابدۋالى بىرنەشە اسپاپتى ەشكىمنىڭ كومەگىنسىز مەڭگەرگەن ەكەن.
ەستەرىڭىزگە سالا كەتسەك، وسى ۋاقىتقا دەيىن قازاق ەستراداسىنداعى سۇيىكتىلەرىن جاسىراتىن جۇلدىزدار تۋرالى جازعان بولاتىنبىز.
