قازاقستاننىڭ ءۇش وبلىسىندا جولدار جابىق

استانا. قازاقپارات - قاراعاندى، قىزىلوردا جانە اقتوبە وبلىستارىنداعى رەسپۋبليكالىق ماڭىزى بار جولداردا كولىك قوزعالىسى ءۇشىن جولدار جابىق، دەپ حابارلايدى «قازاقاۆتوجول» ر م ك- نىڭ باسپا ءسوز قىزمەتىنەن.

قاراعاندى وبلىسىندا اۋا رايى جاعدايىنىڭ ناشارلاۋىنا (جاڭبىردان كەيىن كۇرە جولدىڭ 250-255 شاقىرىمعا سوزىلعان قوزعالىس بولىگىندە سازدى- بالشىققا اينالىپ، تايعاق بولۋى) بايلانىستى «قىزىلوردا- پاۆلودار» كۇرە جولىنىڭ 216-410 شاقىرىمدارىندا، قىزىلوردا وبلىسىنىڭ شەكاراسىنان باستاپ تالاپ اۋىلىنا دەيىنگى ۋچاسكەدە كولىكتىڭ بارلىق تۇرلەرىنىڭ قوزعالىسىنا شەكتەۋ ەنگىزىلدى.

قىزىلوردا وبلىسىندا كۇن رايى جاعدايىنىڭ ناشارلاۋىنا بايلانىستى « قىزىلوردا- پاۆلودار» كۇرە جولىنىڭ 12-216 -شاقىرىمدارىندا،  قىزىلوردا قالاسىنان باستاپ قاراعاندى وبلىسىنىڭ شەكاراسىنا دەيىنگى ۋچاسكەدە كولىكتىڭ بارلىق تۇرلەرىنىڭ قوزعالىسىنا شەكتەۋ ەنگىزىلدى.

سونداي-اق، اقتوبە وبلىسىنداعى «قاندىاعاش- ەمبى- شالقار- ىرعىز» كۇرە جولىنىڭ 200-220 شاقىرىمدارىندا 2016 -جىلعى 21 -ناۋرىز كۇنى ەرىگەن قار سۋىنىڭ جولدى شايىپ كەتۋىنە بايلانىستى موڭكە ءبي اۋىلىنان باستاپ قايداۋىل كەنتىنە دەيىنگى ۋچاسكەدە كولىكتىڭ بارلىق تۇرلەرىنىڭ قوزعالىسىنا ەنگىزىلگەن شەكتەۋ ساقتالىپ وتىر.