ەلباسى گەرمانيانىڭ بۇرىنعى ۆيتسە-كانسلەرىنىڭ قايتىس بولۋىنا بايلانىستى كوڭىل ايتتى

استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ گەرمانيا فەدەرالدىق كانسلەرى انگەلا مەركەلگە بۇرىنعى ۆيتسە-كانسلەر، سىرتقى ىستەر ءمينيسترى گانس-ديتريح گەنشەردىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى.

بۇل تۋرالى اقوردانىڭ باسپا ءسوز قىزمەتى حابارلادى.

جەدەلحاتتا مەملەكەت قايراتكەرى گ. گەنشەردىڭ بۇكىل ءومىرىن گەرمانيا حالقىنىڭ بىرلىگى جولىنا ارناعانى اتاپ وتىلگەن.

«قازاقستان حالقى گ. گەنشەردى ەكىجاقتى دوستىق قارىم- قاتىناستاردى ورناتۋعا جانە نىعايتۋعا زور ۇلەس قوسقان ءىرى تاريحي تۇلعا رەتىندە ءاردايىم ەستە ساقتايتىن بولادى»، - دەلىنگەن جەدەلحاتتا.

سوڭىندا نۇرسۇلتان نازاربايەۆ گ. گەنشەردىڭ وتباسى مۇشەلەرىنە، بۇكىل گەرمانيا حالقىنا جەكە ءوزىنىڭ جانە قازاقستان حالقىنىڭ اتىنان كوڭىل ايتتى.