استانادا جول قاۋىپسىزدىگى ەرەجەسى بويىنشا اكسيا ءوتتى

استانا. قازاقپارات - بۇگىن استانا قالاسىنىڭ جەرگىلىكتى پوليتسيا قىزمەتىنىڭ قىزمەتكەرلەرى جاس ينسپەكتورلارمەن ەڭ جاس جاياۋ جۇرگىنشىلەرگە شاعىلىستىرعىش ەلەمەنتتەرى بار زاتتار تاراتتى.

ەلوردادا «نازار اۋدارىڭىز، جۇرگىنشى» اتتى ايماقتىق اكسيا 29 -ناۋرىزدا باستالىپ، 4 -ساۋىرگە دەيىن جالعاسادى، دەپ حابارلادى قالالىق اكىمدىكتىڭ باسپا ءسوز قىزمەتىنەن.

پوليتسەيلەردىڭ ايتۋىنشا، اتالعان اكتسيالار بالالار زارداپ شەگەتىن اپاتتار سانىن ازايتۋعا ىقپال ەتكەن.

- وتكەن جىلمەن سالىستىرعاندا بيىل ستاتيستيكا بويىنشا «نازار اۋدارىڭىز، جۇرگىنشى»، «جاياۋ جۇرگىنشى، وتكەلمەن ءجۇر!» اكسيالارىن وتكىزۋدىڭ ارقاسىندا بالالار زارداپ شەگەتىن جول- كولىك اپاتتار سانى %18 تومەندەگەن، - دەدى استانا قالاسىنىڭ ءى ءى د جەرگىلىكتى پوليتسيا قىزمەتى يۋۆەنالدى پوليتسيا ءبولىمىنىڭ ينسپەكتورى ايىمگۇل ۆالەيەۆا.

اكسيا اياسىندا جاس ينسپەكتورلار جاياۋ جۇرگىنشىلەرگە شاعىلىستىرعىش ەلەمەنتتەرى بار بەلدەۋلەر، بايلامدارداعى بەلگىشەلەر، بىلەزىكتەر تاراتتى.

ەكسپەرتتەر شاعىلىستىرعىش ەلەمەنتتەرى بار جاياۋ جۇرگىنشىلەردى جۇرگىزۋشىلەر جاقىننان 50 مەتر قاشىقتىقتا، الىستان 150 مەتر قاشىقتىقتا كورە الاتىنىن دالەلدەگەن.

استانالىق پوليتسەيلەر بۇلدىرشىندەرگە كىشكەنتاي بالا كەزدەن جول قاۋىپسىزدىگى ەرەجەسىن ۇيرەتۋگە شاقىرادى، ال جۇرگىزۋشىلەرگە جولداردا ساق بولۋعا كەڭەس بەرەدى.