قازاقستان ۆيتسە-پرەمەرى ءماتىندى تۇسىنىكتى جازا المايتىن شەنەۋنىكتەر تۋرالى ايتىپ بەردى

استانا. قازاقپارات - ق ر پرەمەر- ءمينيسترىنىڭ ورىنباسارى داريعا نازاربايەۆا ءماتىندى ساۋاتتى ءارى تۇسىنىكتى جازا المايتىن شەنەۋنىكتەردى سىنعا الدى.

«شىنىنا كەلسەم، مەملەكەتتىك قىزمەتتەگى جۇمىسىمدا كۇن سايىن مەملەكەتتىك ورگاندار جىبەرەتىن ءتۇرلى قۇجاتتاردى وقيمىن. مەنىڭ ويىمشا، ءماتىندى ساۋاتتى جازۋعا قاتىستى ءتيىستى شارا قابىلداۋ كەرەك»، - دەپ توقتالدى ۇكىمەت باسشىسىنىڭ ورىنباسارى بۇگىن استاناداعى № 81 «Astana English School»  مامانداندىرىلعان گيمنازياسى مۇعالىمدەرىمەن جانە وقۋشىلارىمەن كەزدەسۋ بارىسىندا.

ول ءمان-ماعىناسى جوق 30 بەتكە جالعاسقان قۇجاتتىڭ تەك سوڭىندا عانا ماسەلەنىڭ مازمۇنى اشىلاتىنىن ءسوز ەتتى.

د. نازاربايەۆانىڭ پايىمىنشا، ءبىر جارىم بەتكە ماسەلەنىڭ توق ەتەرىن قىسقا دا نۇسقا جازىپ بەرۋدى ءبىلۋ قاجەت.

سونىمەن قاتار ول قازىرگى مەكتەپتەر كاسىپكەرلىكتىڭ العىشارتتارىن جانە داعدىلارىن ۇيرەتۋى كەرەك ەكەنىن جەتكىزدى.

«ەكونوميكا» ءپانى ارقىلى جوعارى سىنىپتا وقۋشىلار وزدەرىنىڭ بيزنەسىن مودەلدەۋدى، بيزنەس- جوسپاردى قۇرۋدى، بيزەستى قولداۋ ءۇشىن مەملەكەت تاراپىنان ۇسىنىلعان بارلىق قۇجاتتار مەن باعدارلامالاردى زەردەلەۋدى وقۋى كەرەك. سونىمەن قاتار بانكتەرمەن، كەلىسىمشارتتارمەن جۇمىس ىستەۋگە ماشىقتانۋى قاجەت. بۇگىندە قارجىلىق ساۋاتتىلىق قاجەت بولىپ تۇر»، - دەدى ول.

اۆتور: رۋسلان عابباسوۆ