ينتەرنەتتە ەرەسەك امەريكالىقتار بالالار تاپسىرماسىنا باس قاتىردى
الايدا بۇل سۇراققا وقۋشىلار ەمەس، ولاردىڭ اتا- انالارى باس قاتىرىپ داۋلاسادى.
بۇل تۋرالى lifenews.ru سايتى حابارلايدى.
تاپسىرما شارتى بويىنشا، ايفون ەكرانىنىڭ ابونەنت ءنومىرىن تەرەتىن بولىگى پايدا بولعان ساتتە سۋرەتتەگى ۇشتىكتەردىڭ سانى نەشەۋ ەكەندىگىن تابۋلارى كەرەك. بۇل تاپسىرما لوگيكالىق شەشىمدەرگە نەگىزدەلگەن. ءبىراق، جۇمباقتىڭ سۋرەتى ينتەرنەتكە سالىنعانى سول ەدى ەرەسەك امەريكالىقتاردىڭ وزدەرى جۇمباق جاۋابىن تابا الماي داۋلاسىپ قالدى.
ينتەرنەت قولدانۋشىلارى جاۋاپ بەرۋ تۇرعىسىنان نەگىزىنەن ءۇش توپقا بولىنەدى - 15,19 جانە 21. ءبىراق، شىن مانىندە قاي جاۋاپتى ناقتى ايتۋ كەرەك ەكەنىن ەشكىم تابا الماعان. ا ق ش تۇرعىندارى ەكرانداعى «ۇشتەردى» ساناعان سايىن باسقاشا جاڭا جاۋاپ شىعا بەرەتىنىن ايتۋدا.
«مەن ەكراندا 21 «ءۇش» بار دەپ ايتا الار ەدىم. بىرەۋلەر 18 دەيدى. مەن باسىنان ساناپ قايتادان وزگەرىپ كەتتى، وزىمە سەنىمدى ەمەسپىن»، - دەيدى تۆيتتەر قولدانۋشىسى دەني.
ولاردىڭ اراسىندا مىناداي دا ساۋال تۋىنداعان. جەلىدەگىلەر تەك 3 سيفرىن عانا ساناۋ كەرەك پە، الدە ۇشتىك ماعىنانى بەرەتىن كەز-كەلگەن ەلەمەنتتى ەسەپكە الا بەرگەن ءجون بە دەپ باس قاتىرعان.
«مۇندا ەشقانداي شەكتەۋ جوق، اڭگىمە بارلىق «ۇشتىكتەر» تۋرالى بولىپ وتىر. ءبىز ايەلىمىز ەكەۋمىز ساناپ شىققاندا سانى 28 بولدى»، - دەيدى فەيسبۋك قولدانۋشىسى.
