الماتى ءماسليحاتىنىڭ «ەڭ جاس» دەپۋتاتى جۇمىسىن اعاش وتىرعىزۋدان باستاماق

الماتى. قازاقپارات - الماتىنىڭ 1000 جىلدىعىنا وراي قالا اكىمدىگى «1000 يگى ءىس» اكسياسىن باستادى.

 «مەدەۋ» مەملەكەتتىك وڭىرلىك تابيعي پاركى ايماعىندا «الماتىنىڭ 1000 جىلدىعىنا 1000 يگى ءىس» اكسياسى اياسىندا سەنبىلىك ءوتتى. الماتىنىڭ ەكولوگياسىنا بەي-جاي قارامايتىن 300 ادام 1000 ءتۇپ اعاش وتىرعىزدى.

ونىڭ ىشىندە، «مەدەۋ» پاركىنىڭ قىزمەتكەرلەرى، ستۋدەنت جاستار، ەرىكتىلەر، جاستار ۇيىمدارىنىڭ بەلسەندىلەرى، سونىمەن قاتار، الماتى قالالىق ماسليحاتتىڭ ەڭ جاس دەپۋتاتى اسىلحان تولەپوۆ باستاعان ەلىمىزدىڭ تانىمال تەاتر جانە كينو اكتەرلەرى، جاس جۇلدىزدارى قاتىستى.

ءىس- شارا قالا تۇرعىندارى مەن قوناقتارىن، جاستاردى تابيعاتقا قامقورلىقپەن قاراۋعا، قالانىڭ گۇلدەنۋىنە ۇلەس قوسۋعا باعىتتالعان.

اۆتور: گۇلميرا عوسمانالي