16:02, 02 - ءساۋىر 2016 | GMT +5
د. نازاربايەۆا قاي سالانىڭ ماماندارىنا سۇرانىس ارتاتىنىن ايتتى
استانا. قازاقپارات - ق ر پرەمەر- ءمينيسترىنىڭ ورىنباسارى داريعا نازاربايەۆانىڭ بولجامىنشا، قازاقستاننىڭ ەڭبەك نارىعىندا IT سالاسىنىڭ ماماندارىنا سۇرانىس ارتادى.
بۇل تۋرالى بۇگىن ۆيتسە- پرەمەر استانا اكىمدىگىنىڭ كاسىبي- تەحنيكالىق كوللەدجىنىڭ ۇجىمىمەن جانە ستۋدەنتتەرىمەن كەزدەسۋدە ءمالىم ەتتى.
« IT ماماندارىنا دەگەن قاجەتتىلىك ەلەۋلى دەڭگەيدە بولادى. ءبىز قازىرگى كەزدە تسيفرلى قازاقستان باعدارلاسىمەن جۇمىس ىستەۋدەمىز، سونداي-اق ينۆەستيتسيالار جانە دامۋ مينيسترلىگىنىڭ مالەمەتىنشە، الداعى ءۇش جىلدا 65 مىڭ IT ماماندارىنا قاجەتتىلىك تۋىندايدى. ياعني جىل سايىن ءبىزدىڭ كوللەدجدەر مەن ينستيتۋتتارعا شامامەن 20 مىڭ مامان كەرەك بولادى»، - دەدى د. نازاربايەۆا.
ءوز كەزەگىندە ق ر ءبىلىم جانە عىلىم ءمينيسترى ەرلان ساعاديەۆ 2016 -جىلدىڭ 1 -قاڭتارىنان باستاپ مەكتەپتەردە، كوللەدجدەردە ينفورماتيكا جانە اقپاراتتىق تەحنولوگيالار پاندەرى اعىلشىن تىلىندە جۇرگىزىلەتىنىن اتاپ ءوتتى.
