استانالىق دارىگەر كوسمەتولوگ تاڭداعاندا نەگە ءمان بەرۋ كەرەكتىگىن ايتىپ بەردى

استانا. قازاقپارات - استانالىق دارىگەر- كوسمەتولوگ ەلەنا بايبەكوۆا كوسمەتولوگ مامانداردى تاڭداۋ كەزىندە نەگە ءمان بەرۋ كەرەكتىگىن ايتىپ بەردى.

بۇل تۋرالى قازاقستان جاڭالىقتارى حابارلايدى.

ورالدا 39 جاستاعى ايەلدىڭ كوسمەتيكالىق وتا كەزىندە قايتىس بولىپ كەتكەن قايعىلى جاعدايى ەل تۇرعىندارىن ەلەڭ ەتكىزبەي قويمادى. ب ا ق وكىلدەرىنىڭ ايتۋىنشا، ايەل ەكپەدەن كەيىن كوز جۇمعان.

وسىعان بايلانىستى استانالىق دارىگەر- كوسمەتولوگ ەلەنا بايبەكوۆا كوسمەتولوگ مامانداردى تاڭداۋ كەزىندە نەگە ءمان بەرۋ كەرەكتىگىن ايتىپ بەردى.

كەز كەلگەن جاعدايدا سالوندا كوسمەتولوگتىڭ سەرتيفيكاتى بولۋى ءتيىس. ءتىپتى، ينۆازيۆتى جۇمىستار جۇرگىزىلمەيتىن بولسا دا، سولاي بولۋ كەرەك. ينۆازيۆتى قىزمەتتەرگە: ەكپە سالۋ، تاتۋاج جاساتۋ، تەرىنى تازالاۋ سىندى قىزمەتتەر جاتادى. ال، ەگەر قانداي دا ءبىر مەزوتەراپيا، بيوريەۆيتاليزاتسيا، ينەكتسيا جاساۋ قىزمەتتەرى جۇرگىزىلەتىن بولسا، كوسمەتولوگ مىندەتتى تۇردە جوعارى مەديتسينالىق ءبىلىمدى، دەرماتوۆەنەرولوگيي كافەدراسىن تامامداعان بولۋى كەرەك. كەز كەلگەن جاعدايدا كوسمەتولوگ كەلۋشىگە وسىنداي قۇجاتتارى مەن سەرتيفيكاتتارىن كورسەتۋى كەرەك.

دارىگەردى تاڭداردا ونىڭ سىرت كەلبەتىنە قاراۋعا قىمسىنباڭىزدار. كوسمەتولوگ مامان تازالىق گيگيەناسىن ساقتاعان بولۋ كەرەك. ەگەر ونىڭ تىرناعى ۇزىن، قولدارى تازا ەمەس بولسا، ونداي مامانعا بارۋعا بولادى دەپ ويلايسىزدار ما؟ كوسمەتولوگ كەز كەلگەن سۇراققا جاۋاپ بەرۋى كەرەك. سونداي-اق پروتسەدۋرانىڭ وڭ جانە تەرىس جاقتارىن دا ايتىپ ءوتۋ كەرەك. مامان تەك جاقسى جاعىن عانا ايتىپ، ناتيجەنىڭ كەرەمەت بولارىنا سەندىرمەۋى ءتيىس.

سالوندا پروتسەدۋرا كەرى اسەر تۋعىزىپ، ءحالى ناشارلاپ كەتكەن جاڭدايدا پايدالانۋ ءۇشىن مىندەتتى تۇردە ءدارى- دارمەك قورابى بولۋى قاجەت. وندا ءتيىستى ءدارى- دارمەكتەر بولۋى مىندەتتى.

قازاقستاندا كوسمەتولوگتاردىڭ ءىسىن باقىلايتىن اسسوتسياتسيالار بار. ءبىراق ولار ورتالىقتانباعان. سوندىقتان باقىلاۋ قاتاڭ جۇرگىزىلمەيدى.

ورالدا بولعان قايعىلى جاعدايدان كەيىن ادامدار كوپ سۇراقتار قويىپ جاتىر. الايدا، بۇل وقيعادان كەيىن بىزگە كەلۋشىلەردىڭ سانى ازايعان جوق.

«ەلىمىزدە بوتۋلوتوكسين، بيوريەۆيتاليزاتسيا، كونتۋرلى پلاستيكا پروتسەدۋرالارى كوپ جاسالادى ەكەن. ماعان كەلۋشى ايەلدەردىڭ جاسى 40 جاس شاماسىندا. ءبىراق، 15 جاستان باستاپ بەزەۋلەرىن قاراتۋعا قىز- جىگىتتەر دە كەلىپ جاتادى. بارلىعى ادەمى كورىنگىسى كەلەدى. ءبىراق، باستىسى سۇلۋلىق ەمەس، دەنىڭنىڭ ساۋلىعى، - دەيدى ەلەنا بايبەكوۆا.

 

دەرەككوز: Stan.kz