الەم پرەزيدەنتتەرىنىڭ تالانتتى بالالارى - فوتو، كەسكىن

استانا. قازاقپارات - قىرعىز پرەزيدەنتىنىڭ كىشى قىزى ءاليا شاگيەۆانىڭ ەسىمى سوڭعى بىرنەشە كۇننەن بەرى گازەت- جۋرنال بەتىنەن تۇسپەي جاتىر.

ول جەكە كورمەسىن وتكىزىپ، تۇسكەن بارلىق قاراجاتتى قايىرىمدىلىق قورىنا اۋدارعاننان كەيىن تانىمال بولىپ شىعا كەلگەن. مۇنى كوپشىلىك قولداپ، العىس بىلدىرسە، كەيبىرەۋلەر جەكە باسىنىڭ جارناماسى ءۇشىن دەپ ايىپتاپ جاتىر.

بۇل تۋرالى zanoza.kg سايتى حابارلايدى.

ءاليا ءوزىنىڭ فەسبۋكتەگى پاراقشاسىندا ەندى اكەسىنىڭ اتىن جامىلماي، ءوزىنىڭ تەگىن اۋىستىراتىنىن جازعان. دەسە دە ءاليا شاگيەۆادا شىنايى تالانت بار ما، جوق پا ونى وزدەرىڭىز قاراپ باعا بەرەسىزدەر.

 

المازبەك اتامبايەۆتىڭ 22 جاستاعى ۇلى قادىربەك تە «ۇلتتىڭ ويانۋى» اتتى كىتاپ شىعارعان. كىتاپقا جازىلعان پىكىر دە «اۆتوردىڭ سوڭعى ون جىلداعى ءار ەلدەردەگى ەكونوميكالىق مودەلدەردى سالىستىرعانى ايتىلادى. الەمنىڭ ەكونوميكالىق دامۋىنا كوز جۇگىرتكەن».

قىرعىزستاننىڭ ءبىرىنشى پرەزيدەنتى اسقار اقايەۆتىڭ قىزى بەرمەت اقايەۆا دا كىتاپ جازىپ اتىن شىعاردى. ول بالالارعا ارنالعان «مەن جانە مەنىڭ ەلىم» اتتى تاريحي- ەتنوگرافيالىق تسيكلدىڭ اۆتورى. وسى تسيكل اياسىندا 2004 -جىلى قىرعىز جانە ورىس تىلدەرىندە «قىرعىزستان - مەنىڭ وتانىم»، «قىرعىزستاننىڭ كيەلى ورىندارى»، «بابالار ءداستۇرى»، «ماناسشى»، «باتىر» دەپ اتالاتىن بەس توم جارىق كورگەن. ەلدەگى ريەۆوليۋتسيادان كەيىن دە بەرمەت كىتاپ جازدى.

 

ال ازەربايجان پرەزيدەنتى يلحام اليەۆتىڭ ۇلكەن قىزى لەيلا اليەۆانىڭ بويىندا دا كوپ تالانت بار. ول كينو ءتۇسىرىپ، ولەڭ جازادى.

 

ءوزىنىڭ اتاسى گەيدار اليەۆكە ارنالعان «ەلەگيا» اتتى ولەڭى مەكتەپتىڭ ادەبيەت وقۋلىعىنا ەنگىزىلگەن. سونداي- اق، لەيلا سۋرەت سالىپ، ءمۇسىن جاساۋدى دا جاقسى كورەدى.

 

جان- جاقتى دامۋدىڭ جارقىن ۇلگىسى رەتىندە گۇلنارا كارىموۆانى دا اتاۋعا بولادى. وزبەكستان پرەزيدەنتىنىڭ ۇلكەن قىزى ارلەۋ ديزاينىمەن كاسىبي تۇردە اينالىسادى.

 

سونداي- اق، گۋلنارا Googosha دەگەن ساحنالىق ەسىممەن دە ءان سالادى.

 

قازاقستان پرەزيدەنتىنىڭ ۇلكەن قىزى داريعا نازاربايەۆا ساياسي جانە الەۋمەتتىك جۇمىسىنان بولەك ولەڭ جازىپ، ءان ايتادى. ونىڭ وپەرالىق داۋىسى مەتستسو- سوپرانو باعىتىندا.

 

نازاربايەۆانىڭ ايتۋىنشا، ونىڭ داۋىسىن تانىمال وپەرالىق مۋزىكا باعىتىنداعى پەداگوگ ناديا ءشارىپوۆا قويعان. ءشارىپوۆا بەلگىلى وپەار ءانشىسى الىبەك دىنىشيەۆتى دە دايىنداعان ەكەن.

 

ال رەسەي پرەزيدەنتى ۆلاديمير پۋتيننىڭ قىزدارى تۋرالى ءسوز قوزعاعاندا تەك ولاردىڭ بار ەكەنى جانە ەسىمدەرىنىڭ ماريا، ەكاتەرينا ەكەنى عانا بەلگىلى. سونىمەن قاتار، ەكاتەرينانىڭ سپورتتىق روك- ن- روللمەن اينالىساتىنى بار. جۋىردا جۋرناليستەر ءپۋتيننىڭ قىزى كاتەرينا تيحونوۆا دەگەن ەسىممەن ءومىر سۇرەدى دەگەن قورىتىندى شىعاردى.

 

ەگەر، بۇل شىن بولسا وندا رەسەي پرەزيدەنتىنىڭ قىزى جامان بيلەمەيدى. ول شۆەيتساريادا وتكەن الەم چەمپيوناتىندا ءوزىنىڭ سەرىگىمەن بىرگە 5- ورىندا ەنشىلەدى.

فرانسيانىڭ ەكس- پرەزيدەنتى نيكوليا ساركوزيدىڭ ۇلى پەر ساركوزي شوۋ- بيزنەستىڭ ادامى. جاسى 30-عا تولعان پەر فرانتسيادا حيپ- حوپ- پروديۋسەر، مۋزىكانت جانە ديدجەي رەتىندە تانىمال.

 

پەر مۋزىكامەن اكەسى پرەزيدەنت بولامىن دەگەنشە الدەقايدا ءبىراز ۋاقىت بۇرىن اينالىسا باستاعان.

جاقىننان باستاپ جاس جىگىت داعىستان تۋماسى، اۆستريالىق مودەل امينات ميرزاحانوۆامەن كەزدەسە باستاعان.

 

ا ق ش ەكس- پرەزيدەنتى دجوردج بۋشتىڭ قىزى دجەننا بۋش تا كىتاپ جازادى. ول 2007 -جىلى لاتىن امەريكاسىنىڭ بالالارى تۋرالى «ان تاريحى» اتتى كىتاپ شىعارعان. 2008 -جىلى ول تاعى «بۇل تۋرالى وقىڭىز!» كىتابىن دا وقىرماندارىنا ۇسىندى.

 

ال ا ق ش- تىڭ قازىرگى پرەزيدەنتى باراك وبامانىڭ ۇلكەن قىزى ماليا وبامانىڭ جاسى نەبارى 17-دە. ول CBS تەلەارناسى تۇسىرىلگەن سەريالدا ستيۆەن سپيلبەرگپەن بىرگە جۇمىس ىستەپ، رەجيسسەردىڭ اسسيستەنتى قىزمەتىن اتقارعان. ول ءوز بولاشاعىن كينويندۋستريامەن بايلانىستىرادى.

 

Stan.kz