لاڭكەستەر گەرمانياعا سەس كورسەتتى
لاڭكەستەردىڭ كەزەكتى قوقان-لوققىسى ينتەرنەت كەڭىستىگىندە جاريا بولدى.
د ا ي ش ۇيىمىنا تيەسىلى رەسۋرستا ورنالاستىرىلعان فوتوسۋرەتتەردە نەمىس تىلىندە بريۋسسەلدەگى تەراكتىلەردىڭ جالعاسى گەرمانيا فەدەراتيۆتى رەسپۋبليكاسىندا ورىن الاتىنى تۋرالى جازبا جاريالانعان.
ءبىر سۋرەتتە سودىرلاردىڭ ءبىرى كەل-بونن اۋەجايىنا قاراتا بەينەلەنگەن. ال ونىڭ استىنا «بەلگياداعى باۋىرلارىڭ ىستەگەن نارسەنى سەن دە جاساي الاسىڭ» دەگەن جازۋ باسىلعان.
كەلەسى ءبىر سۋرەتتە گەرمانيا كانسلەرىنىڭ ورتكە ورانعان ۆەدومستۆوسى، عيمارات ماڭىندا تۇرعان لاڭكەستەر مەن تانكى بەينەلەنگەن.
قازىرگى ۋاقىتتا گەرمانيا ارنايى قىزمەتى اتالعان فوتوسۋرەتتەرگە تالداۋ جۇمىستارىن جۇرگىزۋدە. باس پوليتسيانىڭ رەسمي وكىلىنىڭ حابارلاۋىنشا، ينتەرنەتتە پايدا بولعان سۋرەتتەر وزدىگىنەن بەلسەندى ارەكەتتىڭ نەگىزى بولىپ تابىلمايدى.
e-islam.kz
