قارۋلى كۇشتەردە قىزمەت ەتىپ جۇرگەن «باتىر ارۋلار» بايقاۋىنا داۋىس بەرۋ باستالدى - فوتو
بۇگىن، 1 - ساۋىردە «باتىر ارۋلار» بايقاۋىنىڭ قاتىسۋشىلارىنا ونلاين داۋىس بەرۋ باستالدى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.
داۋىس بەرۋ قورعانىس مينيسترلگىنىڭ www.mod.gov.kz. رەسمي سايتىندا وتكىزىلۋدە. ونىڭ قورىتىندىسى بويىنشا ق ر قارۋلى كۇشتەرى اسكەري كاسىپ يەلەرىنىڭ 12 ۇزدىك وكىلى انىقتالادى. بايقاۋ قازاقستانداعى قىز- كەلىنشەكتەردىڭ اسكەري قىزمەتىن جاريا ەتۋ ءۇشىن ق ر قورعانىس مينيسترلىگىنىڭ باستاماسى بويىنشا ۇيىمداستىرىلدى.
2016 -جىلى «باتىر ارۋلار» بايقاۋىنا 200-دەن اسا ءوتىنىم قابىلداندى. ونىڭ ىشىندە بايقاۋدىڭ تەحنيكالىق تالاپتارىنا سايكەس كەلگەن 80 ساۋالناما ىرىكتەلىندى.
«باتىر ارۋلار» بايقاۋى - بۇل قوعام ءۇشىن جاقسى رەزونانس تۋعىزعان ايەل اسكەري قىزمەتشىلەر اراسىنداعى تۇڭعىش رەسپۋبليكالىق بايقاۋ. اسكەري قىزمەت - مەن ءۇشىن مارتەبە جانە ماقتانىش سەزىمى، ءبىز ەرلەرمەن بىرگە يىق تەڭەستىرە وتىرىپ، ءومىرىمىزدى وتانعا قىزمەت ەتۋگە سارپ ەتتىك. مەن بۇل بايقاۋدىڭ ۇيىمداستىرىلىپ، وتكىزىلۋىنە مۇرىندىق بولعان قورعانىس مينيسترلىگىنىڭ باسشىلىعىنا شەكسىز العىسىمدى بىلدىرەمىن. اتالمىش بايقاۋ بىزگە قارىم- قابىلەتىمىز بەن كاسىپكە دەگەن ىقىلاسىمىزدى كورسەتۋگە جاقسى مۇمكىندىك بەردى»، - دەدى «باتىر ارۋلار - 2015» بايقاۋىنىڭ جەڭىمپازى اعا لەيتەنانت ءاليا حايرۋلينا.
بايقاۋ قاتىسۋشىلارىنا جۇكتەلگەن تاپسىرمالاردى ءساتتى ورىنداي الاتىنىن، سونداي- اق دالالىق جاعدايلاردا جاۋىنگەرلىك ايلا- تاسىلدەر مەن ساباقتاردى وتكىزە الاتىنىن دالەلدەۋگە تۋرا كەلەدى.
«اتالمىش بايقاۋ مەن ءۇشىن ماڭىزدى بولدى. بۇل باسقا بايقاۋلاردان ەرەكشەلەنەتىن اسكەري قىزمەتشىلەر اراسىنداعى بىردەن- ءبىر كونكۋرس. وسىناۋ بايقاۋدا مەن تاجىريبە جيناقتاپ، دەنە دايارلىعىمنىڭ قانداي دەڭگەيدە ەكەنىن اڭعاردىم. مەن بارلىق كونكۋرسانتتارعا ساتتىلىك جانە جەڭىس تىلەيمىن»، - دەدى «باتىر ارۋلار - 2015» بايقاۋىنىڭ جەڭىمپازى سەرجانت بوتاگوز مۇسايەۆا.
بايقاۋدىڭ نەگىزگى مىندەتى قازاقستانداعى ايەلدەردىڭ اسكەري قىزمەتىنىڭ وڭ يميدجىن قالىپتاستىرۋ، اسكەري كاسىپتىڭ بەدەلىن ارتتىرۋ بولىپ تابىلاتىنىن ەستەرىڭىزگە سالا كەتەيىك. تۇڭعىش بايقاۋدىڭ قاتىسۋشىلارى ءارتۇرلى كەدەرگىلەردى ەڭسەردى، قارۋمەن ۋاقىتقا تولىق جاۋىنگەرلىك امۋنيتسيادا ءجۇزدى، دەنە دايارلىعىن كورسەتتى، دالالىق جاعدايلاردا جاۋىنگەرلىك ايلا- تاسىلدەر مەن جاتتىعۋلاردى ورىندادى. جەڭىمپازدار «امان قالۋ كۋرسىمەن» قارقىندى جاۋىنگەرلىك دايارلىقتان ءوتتى، ولار تانك استىندا جاتتى، پاراشيۋتتەن سەكىردى جانە وق اتتى. اسكەري قىزمەتشىلەر ۇدايى ازىرلىكتە ەكەنىن جانە ولارعا جۇكتەلگەن تاپسىرمالاردى ءساتتى ورىندايتىنىن دالەلدەدى.
