استانا تۇرعىندارى «قۇپيا» بەلگىنىڭ جاۋابىن ىزدەپ، باس قاتىرۋدا - فوتو

 استانا. قازاقپارات - ەلوردا حالقىنىڭ، ءتىپتى، استاناعا كەلەتىن كەز كەلگەن قوناقتىڭ كوپ باراتىن ورنى - ەسىل وزەنىنىڭ جاعاسى، جاعالاۋ بويىنداعى ادەمى ساياباق.

مىنە، كوكتەم كەلە، كۇننىڭ سالقىندىعىنا قاراماستان، جاعالاۋدا سەرۋەندەي باستاعان جۇرت ءبىر اپتادان بەرى الەۋمەتتىك جەلىدە دە، ءسوز اراسىندا دا ءبىر سۇراقتىڭ جاۋابىن تاپپاي الەك - مىنا سۋرەتتەگى بەلگى قانداي ماعىنا بەرەدى؟

الەۋمەتتىك جەلىدەگى بەلسەندى جۇرتتىڭ ءبىرى بۇل بەلگى «كوپىردىڭ استىمەن جۇرمە» دەپ ەسكەرتىپ تۇر دەسە، ەندى ءبىرى «سۋعا قوقىس لاقتىرۋعا بولمايدى»، «كەمەمەن جۇزۋگە تىيىم سالىنعان» دەگەن بولجامىن ايتىپ جاتىر. ءتىپتى، قالجىڭعا باسقان ەلوردا جاستارى «قايىر سۇراۋعا بولمايدى»، «مۇز ەرىگەن»، «سۋعا كىلەم جۋۋعا بولمايدى» دەگەن بولجامدارىن ۇسىنۋدا. ءتىپتى، ءبىر «تاپقىر» «ەلەگەنگە ءۇش ءۇشبۇرىش، ەكى بولتى، ءبىر تەمىر مەن ەكى سيم- كارتا سالۋعا بولمايدى» دەپ، بەلگىنىڭ سۋرەتىن جەلىگە جۇكتەگەن.

بۇل بەلگىنىڭ قانداي ماعىنا بەرەتىنى قازاقپارات تىلشىسىنە دە قىزىق بولدى. انىقتاعانىمىز جوعارىداعى بولجامداردىڭ ماڭىنا دا جۋىمايتىن ماعىنا ەكەن.

وندا بىلە ءجۇرىڭىز، بۇل بەلگىنى ق ر اۋىل شارۋاشىلىعى مينيسترلىگىنىڭ سۋ رەسۋرستار جونىندەگى كوميتەتى ورناتقان ەكەن.

«دۇرىستاپ قاراساڭىزدار، وزەننىڭ جاعاسى وسى بەلگىگە قوسىمشا كوك تاقتايشا ورناتىپ، «سۋ قورعايتىن اۋماق» دەپ جازعانبىز. ول بەلگى ق ر  س ت 1742-2008 ستاندارتى بويىنشا بەكىتىلگەن. ستاندارت 2008 - جىلى ق ر ينۆەستيتسيالار جانە دامۋ مينيسترلىگى تەحنيكالىق رەتتەۋ جانە مەترولوگيا كوميتەتىندە تىركەۋدەن وتكەن»، - دەپ حابارلادى ا ش م  سۋ رەسۋرستار كوميتەتى.

 سونىمەن، سۋرەتتەگى بەلگىنىڭ ماعىناسى - بۇل جەرگە ونەركاسىپتىك، تۇرمىستىق جانە اۋىل شارۋاشىلىعى قالدىقتارىن كومەتىن ورىن مەن قويما ورنالاستىرۋعا بولمايدى دەگەن ءسوز.

اۆتور: كەنجەكەي توقتامۇرات قىزى