رەسەيدە وتكەن جارىستا «اقجايىقتىڭ» جاس فۋتبولشىلارى ەكىنشى ورىندى يەلەندى

ورال. قازاقپارات - «اقجايىق» فۋتبول ورتالىعىنىڭ تاربيەلەنۋشىلەرى رەسەيدىڭ ورىنبور وبلىسى بۋزۋلۋك قالاسىندا وتكەن جارىستا ەكىنشى ورىندى يەلەندى.

«اقجايىق» فۋتبول كلۋبىنان تۇسكەن مالىمەتكە قاراعاندا، بۋزۋلۋكتاعى بالالار-جاسوسپىرىمدەر سپورت مەكتەبىنىڭ اشىق بىرىنشىلىگىنە 2006-جىلعى بالالاردان قۇرالعان كوماندالار قاتىستى.

بۋزۋلۋك، كولتۋبانوۆكا، ورال، نەفتەگورسك جانە سوروچينسك قالالارىنان بارلىعى التى كوماندا سىنعا ءتۇستى. «اقجايىق-2006» ويىنشىلارى جارتىلاي فينالدا نەفتەگورسك كومانداسىن 9:0 ەسەبىمەن ۇتتى. فينالدا بۋزۋلۋك پەن ورال كوماندالارى اراسىنداعى ويىن 3:3 ەسەبىمەن تەڭ اياقتالعانىمەن، پەنالتي سوعۋدان الاڭ يەلەرى جەڭىسكە جەتتى. ءۇشىنشى ورىنعا كولتۋبانوۆكا كومانداسى كوتەرىلدى. جاس فۋتبولشىلار ءتۇرلى اتالىمدار بويىنشا دا ماراپاتتالدى. سونىڭ ىشىندە ورالدىقتاردان مۇرات ەراسىل «ۇزدىك قورعاۋشى»، احمەت ايبار «ەڭ پايدالى ويىنشى» اتاندى.

«اقجايىق-2006» كومانداسىنىڭ باپكەرى فيليپپ بوگەر ەكەنىن ايتا كەتەيىك.

اۆتور: ەلجان ەرالى