الماتىدا مامان دايارلاۋ جاڭاشا باعىت الماق
بۇل وقۋ ورىندارى 2 مىڭ ماماندى ازىرلەۋ تۋرالى 47 كاسىپورىنمەن كەلىسىمشارت جاساعان. ال تەوريا مەن تاجىريبەنى ۇشتاستىرا ءبىلىم بەرۋ جۇيەسى ەنگىزىلمەگەن وقۋ ورىندارىندا بىلىكتى مامان دايىنداۋ وزەكتى ماسەلە بولىپ تۇر. بۇل اسىرەسە تەمىرجول سالاسىنا قاتىستى. ساراپشىلاردىڭ باعالاۋىنشا، تەمىرجولدارداعى اپاتتاردىڭ 90 پايىزى جاس مامانداردىڭ بىلىكسىزدىگىنەن بولادى. جاعدايدى جاقسارتۋ ءۇشىن كاسىپتىك ءبىلىم بەرۋ مەكەمەسى مەن الماتى كاسىپكەرلەر پالاتاسى تەمىرجول سالاسىنىڭ ماماندارىن دايارلاۋدا ءبىلىم بەرۋدىڭ دۋالدى جۇيەسىن ەنگىزۋدى قولعا الدى. الماتى تەمىرجول كوللەدجىندە وتكەن جيىندا مامان دايارلاۋدىڭ جاڭا جوباسى تانىستىرىلدى. شارانىڭ ماقساتى - تەوريا مەن تاجىريبەنى بىرىكتىرۋ عانا ەمەس، جۇمىس بەرۋشىلەردىڭ ۇسىنىس- پىكىرلەرىن ەسكەرۋ. بۇرىن وقۋ ورىندارى سالا ماماندارىن جۇمىس بەرۋشىنىڭ قانداي دا ءبىر تالاپتارىنسىز دايىندايتىن. الداعى ۋاقىتتا مامان دايارلاۋ جاڭاشا باعىت الماق. سول ءۇشىن باسقوسۋعا قازاقستان تەمىر جولىنىڭ ءتۇرلى بولىمدەرىنىڭ باسشىلارى شاقىرىلدى.
جانتىلەۋ ءازيزحانوۆ، الماتى ق. كوللەدجدەر قاۋىمداستىعىنىڭ پرەزيدەنتى:
- بارعان بالالاردىڭ جۇمىسقا دەگەن بەيىمدىلىگىنە، ونىڭ قابىلەتىنە تالاپ قوياتىن - جۇمىس بەرۋشى. بۇل تالاپتاپ ءوزىمىزدىڭ پروفەسسيونالدىق ستاندارتىمىز.
www.24.kz
