21:06, 31 - ناۋرىز 2016 | GMT +5
شىمكەنتتە سوت بانك تاراپىنان بۇزىلعان ازاماتشانىڭ قۇقىعىن قالپىنا كەلتىردى
استانا. قازاقپارات - شىمكەنت قالاسىنىڭ تۇرعىنى گ. جانبولاتوۆا اباي اۋداندىق سوتىنا «ەۋرازيالىق بانك» اكسيونەرلىك قوعامىنان العان نەسيەسىن ۋاقتىلى تولەي الماعاندىقتان، ونىڭ جالاقى الاتىن ەسەپ- شوتىن بانك جاۋىپ تاستاعانىن جانە ءۇش اي بويى جالاقىسىن تۇگەلدەي نەسيە قارىزىنا ۇستاپ قالىپ وتىرعانىن كورسەتىپ، تالاپ ارىزبەن جۇگىنگەن.
بانكتىڭ وسى ارەكەتىنەن ارىزدانۋشىنىڭ كۇن كورىسى قيىنداپ كەتكەن. ءىستى سوتتا قاراۋ بارىسىندا گ. جانبولاتوۆانىڭ ارىزدا كورسەتكەن ۋاجدەرى تولىق راستالعان.
ەڭبەك كودەكسىنىڭ 115-بابىنا سايكەس، جالاقىدان اي سايىنعى ۇستاپ قالۋدىڭ مولشەرى جۇمىسكەرگە تيەسىلى جالاقىنىڭ ەلۋ پايىزىنان اسپاۋعا ءتيىس.
سوت گ. جانبولاتوۆانىڭ جالاقى الاتىن ەسەپ-شوتىن جابۋ تۋرالى بانكتىڭ تولەم تالاپ تاپسىرماسىنىڭ كۇشىن جويىپ، بانككە ونىڭ جالاقىسىنان ەلۋ پايىزىن ۇستاپ وتىرۋدى مىندەتتەدى.
شەشىم زاڭدى كۇشىنە ەندى.
