22:08, 31 - ناۋرىز 2016 | GMT +6
نەسيە راسىمدەۋ كەزىندە الاياقتىقتان قالاي ساقتانۋ كەرەك
استانا. قازاقپارات - باس پروكۋراتۋرا نەسيە راسىمدەۋ كەزىندە الاياقتىق قۇربانى بولماۋ ءۇشىن ازاماتتارعا ارناپ جادناما دايىندادى.
پروكۋراتۋرانىڭ مالىمەتىنشە، سوڭعى ۋاقىتتا نەسيەنى جىلدام الۋ مۇمكىندىگى نەمەسە جيناقتى كوبەيتۋ تۋرالى حابارلاندىرۋلار، ەلەكتروندى حاتتار كوپ تاراتىلادى. الاياقتار ازاماتتاردىڭ سەنىمىنە كىرۋ ارقىلى ولاردىڭ اقشاعا مۇقتاجدىعىن پايدالانادى. سونىمەن قاتار، ولار الدىن- الا اقشا سالۋ ارقىلى نەسيە ماسەلەلەرىنىڭ وڭاي شەشىلەتىنىن ايتادى.
«مۇنداي ۇسىنىستاردان باس تارتىپ، ءبارىن الدىن- الا زەردەلەپ الىڭىزدار. الاياقتاردان ساقتانۋ وڭاي. ول ءۇشىن نەسيە بەرۋمەن اينالىساتىن بانكتەر مەن ميكروكرەديت ۇيىمداردىڭ تىزىمىمەن قر ۇلتتىق بانكىنىڭ رەسمي يگتەرنەت- رەسۋرسىنان (nationalbank.kz) تانىسىپ الىڭىز»، - دەلىنگەن پروكۋراتۋرا حابارلاماسىندا.
سونىمەن قاتار، ۇلتتىق بانكتىڭ باسقا قالالارداعى فيليالدارىنان وسىنداي ماعلۇمات الۋعا بولادى.
