ب. ساعىنتايەۆ مەمورگاندار مەن اۋەجاي باسشىلارىنا اۆياقاۋىپسىزدىك ماسەلەلەرىنە باسا نازار اۋدارۋدى تاپسىردى

استانا. قازاقپارات - بۇگىن ۇكىمەت ۇيىندە ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ وتاندىق اۋەجايلاردى دامىتۋ ماسەلەلەرى جونىندە كەڭەس وتكىزدى.

بۇل تۋرالى primeminister.kz حابارلادى.

قازىرگى تاڭدا رەسپۋبليكادا 20 اۋەجاي جۇمىس جاسايدى. ولاردىڭ 12 سى مەملەكەتتىك اۋەجايلار (8 ى «Airport Management Group» ج ش س سەنىمدى باسقارۋىندا) ، 6 ۋى - جەكە مەنشىكتە، كونسەسسيادا - 2.

2015 -جىلى اۋەجايلار شامامەن 12 ميلليون جولاۋشىعا قىزمەت كورسەتتى. قازاقستاننان 87 باعىت بويىنشا حالىقارالىق تاسىمالدار ورىندالادى. ولاردى 2 قازاقستاندىق («ەير استانا» مەن «سكات» ) جانە شەتەل اۋە تاسىمالداۋشىلارى جۇزەگە اسىرادى. ىشكى اۋە رەيستەرىن 42 باعىت بويىنشا 6 قازاقستاندىق اۋە كومپانياسى ورىندايدى.

 رەسپۋبليكالىق بيۋدجەت قاراجاتى ەسەبىنەن قازاقستاننىڭ 13 اۋەجايىندا جالپى 97 ميلليارد تەڭگە سوماعا قايتا جوندەۋ جۇرگىزىلدى. بۇدان وزگە، 2015 -جىلدىڭ قاڭتارىندا «نۇرلى جول» مەملەكەتتىك باعدارلاماسى اياسىندا استانا قالاسىنداعى اۋەجايدىڭ جولاۋشىلار تەرمينالىنىڭ قۇرىلىسى باستالدى. جوبادا قازىرگى تەرمينالدى كەڭەيتۋ جانە وتكىزۋ قابىلەتىن جىلىنا 7 ميلليون جولاۋشىعا جەتكىزۋ قاراستىرىلعان.

كەڭەس قورىتىندىسى بويىنشا باقىتجان ساعىنتايەۆ جاۋاپتى مەملەكەتتىك ورگاندارعا جانە اۋەجاي باسشىلارىنا اۆياتسيالىق قاۋىپسىزدىك ماسەلەلەرىنە باسا نازار اۋدارۋدى، اتاپ ايتقاندا، جولاۋشىلار تەرمينالدارىندا زاماناۋي تەكسەرمەلەۋ جابدىقتارىن ورناتۋدى تاپسىردى. ارنايى تەحنيكامەن (ورتكە قارسى ماشينالار، قار كۇرەيتىن جانە مۇزدانۋعا قارسى تەحنيكا، باسقىشتار) جابدىقتاۋعا دا ايرىقشا كوڭىل ءبولىنۋى كەرەك.

بۇدان وزگە، اۋەجايلار قىزمەتىنىڭ ەكونوميكالىق تيىمدىلىگىن ارتتىرۋ، مەنەدجمەنت دەڭگەيىن ارتتىرۋ، دامىتۋعا قاراجات تارتۋدىڭ جاڭا كوزدەرىن ىزدەۋ بويىنشا شارالار قابىلداۋ تاپسىرىلدى.