الماتى- قىزىلوردا باعىتىندا «قازاق ەير» جاڭا رەيس اشادى
قازاقستاننىڭ الماتى مەن قىزىلوردا قالالارىن بايلانىستىراتىن جاڭا رەيس اپتاسىنا ەكى مارتە، سەيسەنبى جانە سەنبى كۇندەرى قاتىناماق.
سونىمەن قاتار، اۋە كومپانيا قىزىلوردا باعىتىنداعى رەيستەردىڭ سانىن بولاشاقتا ۇلعايتۋدى جوسپارلاپ وتىر. بارلىق ۇشۋلار زاماناۋي، ىڭعايلى، ءارى ءوزىن قىسقى ناۆيگاتسيا كەزىندە جاقسى قىرىنان تانىتقان Bombardier Q400NextGen اۋە ۇشاعىندا ورىندالاتىن بولادى.
الماتى جانە قىزىلوردا قالالارى اراسىندا ءبىر باعىتتا ۇشۋ بيلەت قۇنى بارلىق الىمداردى ەسەپكە العاندا 12 497 تەڭگەدەن باستالادى. ال ۇشۋ ۋاقىتى 1 ساعات 45 مينۋتتى قۇرايدى.
«اۋە كومپانيانىڭ جاڭا باعدار بويىنشا تۇراقتى رەيستىڭ اشىلۋى ايماقتاعى اۋە تاسىمالىنىڭ دامۋىنا ءوز ۇلەسىن قوسادى دەپ ۇمىتتەنەمىز»، - دەيدى «Qazaq Air» ا ق- نىڭ كوممەرتسيالىق ديرەكتورى ادەل داۋلەتبەك.
بۇگىنگى تاڭدا Qazaq Air اۋە كومپانياسى الماتىدان استانا، شىمكەنت، اقتوبە، اتىراۋ، قوستاناي، پاۆلودار جانە تالدىقورعان قالالارىنا رەيستەردى ورىندايدى.
Qazaq Air بيلەتتەرىن flyqazaq.com سايتىندا نەمەسە كومپانيانىڭ ساتۋ
وفيستەرىندە 77273561414+ تەلەفونى ارقىلى برونداۋعا جانە ساتىپ الۋعا بولادى.
«Qazaq Air» ا ق - قازاقستان رەسپۋبليكاسىنداعى وڭىرلىك باعىتتاردا قىزمەت كورسەتەتىن جاڭا اۋەكومپانيا، كومپانيانىڭ %100 اكسيالارى «سامرۋك- قازىنا» ا ق- نا تيەسىلى.
اۆتور: جاسۇلان جولدىبايەۆ
