قازاقستانداعى ءجۇزى سۋىق تانىمال جۇلدىزدار – فوتو

 استانا. قازاقپارات - كەيدە بۇل تانىمال ادامداردى كورىپ ۇنەمى كوڭىل- كۇيى بولماي ما دەگەن ويعا قالامىز. ويتكەنى ولار بارعان جەرىندە ەمىن- ەركىن اڭگىمە قۇرىپ، وزگە ارىپتەستەرى سەكىلدى كوپ كۇلىمسىرەي بەرمەيدى. كوڭىلىنە جاقپاعان ادامدارعا دا سىن ايتىپ اۋرە بولمايدى.

بۇل تانىمال ادامداردىڭ قالىپتاستىرماق بولىپ جۇرگەن وبرازى ما، الدە تۋا بىتكەن مىنەزى مە؟

روزا رىمبايەۆا

ساحنادا 40 -جىلدان بەرى ونەر كورسەتىپ كەلە جاتقان ءانشى روزا رىمبايەۆانىڭ تالانتى، راسىمەن دە، حالىقتىق. ول فونوگراممادان باس تارتىپ، حالىقپەن بىرگە كۇي كەشتى. تىڭدارمان تاراپىنان ءوزىنىڭ شىعارماشىلىعىنا دەگەن قۇرمەتكە يە بولدى. دەسە دە، حالىق تانىمال ءانشى ءجۇزىنىڭ سۋىق ەكەنىن ايتادى. ساحناعا شىققاندا ءاردايىم كۇلىمسىرەيتىن روزا رىمبايەۆا كوڭىلىنە جاقپاعان ادامعا الا كوزىمەن ءبىر قاراپ قويىپ، ءارى قاراي ءۇنسىز قالۋدى ءجون كورەدى ەكەن.

قاراقات ءابىلدينا

تىڭدارمانداردىڭ كەيبىرى ءانشى قاراقات ءابىلدينانىڭ ءجۇزى سۋىق ەكەنىن ايتادى. "قىز بالاعا ەتەك- جەڭىن جيىپ جۇرگەن جاراسادى" دەيتىن ءانشى حالىقتىڭ بۇل ءسوزىن جوققا شىعارمايدى. ءتىپتى ستۋدەنت شاعىندا جىگىت قاۋىمى كوزقاراسىنىڭ ەرەكشە ەكەنىن ايتىپ، قاراماۋىن وتىنگەن ەكەن. ءانشى ءوزىنىڭ سوڭىنان ءسوز ەرمەۋىن وسى بايسالدى مىنەزىمەن بايلانىستىرادى.

اينۇر نيازوۆا

قازاقستاندىق اكتريسا اينۇر نيازوۆانىڭ شىنايى ومىردە ءجۇزى سۋىق دەپ ايتۋ قيىن. دەسە دە اكتريسا حالىقتىڭ الدىنا شىققاندا نەمەسە كامەرا الدىندا تۇرعاندا كوپ كۇلە بەرمەۋدى ءجون كورەدى. ءتىپتى، فوتوسەسسيالاردا ءجۇزىن سۋىق ەتىپ كورسەتەدى. بۇل قالىپتاستىرماق بولىپ جۇرگەن وبرازى بولسا كەرەك.

ماقسات بازاربايەۆ

تۇڭعىشتارىن توعىز جىل كۇتىپ، وتباسىمەن پاتەردەن- پاتەرگە كوشىپ جۇرۋگە ءماجبۇر بولعان ءانشى ماقسات بازاربايەۆتى كەي تىڭدارمان شاتاقمىنەزدى دەسە، ەندى ءبىرى بايسالدى ەكەنىن ايتادى. ءبىر كەزدەرى "مۇزارت" توبىنان مىنەزىنىڭ ارقاسىندا شىعىپ كەتتى دەگەن قاۋەسەت ءسوز دە تاراعان بولاتىن. دەسە دە ءانشى مەرەكەلىك كەشتەردە، جۋرناليست قاۋىمىنا سۇحبات بەرگەندە ءوزىن ارتىق قىلىققا جول بەرمەي، بارىنشا بايسالدى ۇستاۋعا تىرىسادى.

اينۇر تۇرىسبەك

قازاقستاندىق شوۋ- بيزنەستە ءجۇزىن سۋىق ەتىپ كورسەتۋگە تىرىساتىن تاعى ءبىر تانىمال سانگەر - اينۇر تۇرىسبەك. سانگەر قۇقىق قورعاۋ ورگاندارىندا جۇمىس ىستەگەنىمەن قاتار، كيىم تىگۋدە دە سۋىق تۇستەردى تاڭداۋعا تىرىسادى. اينالاسىنداعىلار سيرەك كۇلەتىندىگىن ۇنەمى قالىڭ ويدىڭ جەتەگىندە جۇرەتىندىگىمەن بايلانىستىرادى.

 

تۇڭعىشباي جامانقۇلوۆ

مۇحتار اۋەزوۆ اتىنداعى اكادەميالىق دراما تەاترى تۇڭعىشباي جامانقۇلوۆتى قازاقستاننىڭ ەڭبەك سىڭىرگەن ءارتيسى دەگەن اتاققا قۇدايبەرگەن سۇلتانبايەۆ ەكەۋىن ءبولىپ- جارمايىق دەپ بىرگە ۇسىنعان ەكەن. قوس ارتيست دۋەت قۇرىپ، العاشقىسى بارىنشا بايسالدى بولۋعا تىرىسسا، ەكىنشىسى كەرىسىنشە كۇلكىلى ازىلدەردى ايتۋعا كوبىرەك بەيىمدەلەدى ەكەن. تۇڭعىشباي جامانقۇلوۆتى حالىق ەرتەرەكتەن وسى مىنەزىمەن تانيدى. ادەتتە رەجيسسەرلەر دە اكتەردى قاتال مىنەزدى تۇلعانى سومداۋعا شاقىرادى.

عالىمجان مولدانازار

عالىمجان مولدانازاردىڭ شىعارماشىلىعىمەن قاۋىشقان حالىق ونىڭ جەكە دارا ەكەنىن ايتقان بولاتىن. ويتكەنى ءستيلى وزگە وتاندىق انشىلەرگە ۇقساي بەرمەيدى. ءدال وسىنى ونىڭ مىنەزىنە دە قاتىستىرىپ ايتۋعا بولادى. تىڭدارماندارىنا تەك جاندى داۋىستاعى اندەردى تارتۋ ەتكەندى ءجون كورەدى ەكەن. تويعا دا كوپ بارمايدى ءارى ارىپتەستەر اراسىنداعى وتىرىستاردان بوي كورسەتە بەرمەيدى.

بەرىك ايتجانوۆ

كينو يندۋستريا سالاسىندا بەرىك ايتجانوۆ كوپتەگەن وبرازدى سومداپ ۇلگەردى. ونىڭ ىشىندە ەرجۇرەك باتىر دا، تراكتورشى جىگىت تە، عاشىعىنىڭ سوڭىنان جۇگىرگەن رومانتيك تە بار. دەسە دە اكتەر كوپشىلىك ورتاسىندا ەمىن- ەركىن اشىلىپ اڭگىمە قۇرعاندى ۇناتپايدى. سەبەپسىز جىميۋدان دا اۋلاق. مۇنى كەي ادام جۇلدىز اۋرۋىمەن بايلانىستىرادى.

سايات يسەمبايەۆ

اكتەر سايات يسەمبايەۆ "رەكەتير" فيلمىنەن كەيىن بۇزىق جىگىتتىڭ رولىنە ەنىپ، ەندى سول وبرازدان شىعا الماي جۇرگەن ءتارىزدى. قاي كەزدە دە بايسالدى بولۋعا تىرىسادى.

ەركىن نۇرجانوۆ

ساحنادا بولسىن، سۋرەتتە بولسىن ءانشى ەركىن نۇرجانوۆتىڭ قاتتى كۇلىپ، ءوزىن ەمىن- ەركىن ۇستاعانىن بايقاۋ قيىن. حالىق ونى قوڭىر مىنەزدى انشىلەر قاتارىنا جاتقىزادى. كەي تىڭدارمان ءانشىنىڭ ءجۇزى سۋىق ەكەنىن دە ايتىپ جاتادى. بۇل دا بايسالدى مىنەزىمەن بايلانىستى بولسا كەرەك.

يۆان برەۋسوۆ

ءبىر كەزدەرى ەرەكشە تانىمالدىلىققا يە بولىپ، وزىندىك تىڭدارماندارىن تاۋىپ ۇلگەرگەن "101" توبىنىڭ سوليسى يۆان برەۋسوۆ تە كوپ كۇلگەندى ۇناتپايدى. ءتىپتى قارسى الدىندا تۇرعان ادامعا جانارىن كورسەتپەۋدى ءجون كورىپ، قارا كوزىلدىرىك كيىپ جۇرەدى. ءبىراق ارىپتەستەر اراسىنداعى وتىرىستاردان بارىنشا اشىلىپ، كۇلىپ جۇرەتىنىن بايقاۋعا بولادى. ءانشى وزىنە سۋىق ءجۇزدى ازاماتتىڭ وبرازىن قالىپتاستىرعىسى كەلىپ جۇرگەن سىڭايلى.

جانار دۇعالوۆا

 جۇرت جاقىندا دەپۋتتاتىق مانداتقا قول جەتكىزە الماعان جانار دۇعالوۆا ءجۇزىنىڭ سۋىق ەكەنىن وسىعان دەيىن دە ايتقان بولاتىن. ءتىپتى ونىڭ ارىقتىعىنان شوشيتىن كورىنەدى. اسىرەسە، توپقا العاش كەلىپ، ءمولدىر اۋەلبەكوۆانىڭ ورنىن باسقان كەزدە "قىزداردى قانشا جەردەن بوياپ، قىمبات كويلەك كيدىرىپ قويسا دا، جاس ايىرماشىلىقتارى بىردەن كوزگە ۇرىپ تۇرادى. ونى قويشى، جۇزدەرىندە جىلىلىق جوق قوي. كوڭىلسىز، جاندى قۋىرشاق سەكىلدى قۇددى" سىندى پىكىرلەر ايتىلعان- دى.

Stan.kz