استانا مەن الماتىدا باسپانا ارزانداپ جاتىر
ساراپشىلاردىڭ مالىمەتىنشە، باعانىڭ تومەندەۋ قارقىنى 2-3 ەسەگە ارتقان.
اقپان ايىندا استانادا باسپانانىڭ ءار شارشى مەترىنىڭ ورتاشا باعاسى 398 مىڭ تەڭگە بولدى، ال قازىر 372 مىڭ تەڭگە دەڭگەيىندە.
«ايتارلىقتاي وزگەرىس الماتىدا دا بايقالدى، مۇنداعى ورتاشا باعا ناۋرىزدا 9,5 پايىزعا تومەندەدى. اقپاندا ءار شارشى مەترى 446 مىڭ تەڭگەگە باعالانعان ۇيلەر ناۋرىزدا 403,5 مىڭ تەڭگەگە دەيىن تومەندەدى. ايىرماشىلىق 42202 تەڭگە»، - دەلىنگەن باسپانا نارىعىنىڭ زەرتتەۋ ناتيجەلەرىندە.
جىلجىمايتىن مۇلىكتىڭ دوللار ەكۆيۆالەنتى بويىنشا دا باعاسى تاريحي مينيمۋمعا جەتتى - استانادا ءار شارشى مەتر 1110 دوللار، ال الماتىدا 1171. وسىلايشا، ەلوردادا 2,8 پايىزعا تومەندەۋ (-31 دوللار)، ال الماتىدا 6 پايىزعا دەيىن (-73 دوللار) تومەندەۋ بولدى. ايتا كەتەيىك، بۇل وزگەرىستەر تەڭگەنىڭ 3-4 پايىزعا نىعايۋى كەزىندە بولدى.
سونىمەن قاتار، ساراپشىلاردىڭ ايتۋىنشا، باسپانا نارىعى كريزيسكە دەيىنگى تەپە- تەڭدىككە جەتتى دەپ ايتۋعا ءالى ەرتە. تامىز ايىنداعى دەڭگەيگە جەتۋ ءۇشىن الماتىدا تەڭگەمەن باعالانۋ 27 پايىزعا، ال استانادا 19 پايىزعا جەتۋى ءتيىس. ولاردىڭ ويىنشا، ول جاقىن ارادا بولا قويمايدى. "باسپانا باعاسىنىڭ قازىرگى تومەندەۋ ديناميكاسىن ەسكەرەتىن بولساق، باسپانا باعاسىنىڭ 350 مىڭ تەڭگەگە دەيىن تومەندەۋى 2016 -جىلدىڭ Ⅱ توقسانىندا جۇزەگە اسۋى ىقتيمال"، - دەلىنگەن "كرىشا" باسىلىمىنداعى ساراپشىلاردىڭ ماتەريالدارىندا.
