ديماش قۇدايبەرگەنوۆ العاشقى ءان كەشىن بەرەدى
تاۋەلسىزدىكتىڭ 25 جىلدىعىنا ارنالعان «ۇمىتىلماس كۇن» ءان كەشى 25 قالادا وتەدى دەپ جوسپارلانۋدا. اتاپ ايتقاندا، 9 - ءساۋىر - ورال قالاسى («جاستار مادەنيەت ءۇيى» )، 10 - ءساۋىر - اقساي قالاسى (مادەنيەت ءۇيى)، 16 - ءساۋىر - قۇلسارى قالاسى («كەڭ جىلىوي» مادەنيەت ءۇيى)، 17 - ءساۋىر - اتىراۋ قالاسى («قۇرمانعازى» مادەنيەت ءۇيى) تۇرعىندارى العاشقى بولىپ جاندى داۋىستا وتەتىن ءانشىنىڭ جەكە كونسەرتىن تاماشالاي الادى. كەش قوناعى، ديماشتىڭ اتا- اناسى، ەلىمىزگە تانىمال انشىلەر قانات جانە سۆەتا ايتبايەۆتار بولادى. كەش بارىسىندا ءانشى حالىق اندەرىمەن بىرگە، الەمدىك تانىمال اندەردى، ءوزىنىڭ رەپەرتۋارىنداعى جاڭا اندەردى دە شىرقايدى.
ايتا كەتەرلىگى، ديماش قۇدايبەرگەنوۆتىڭ رەسمي سايتى ءۇش تىلدە (قازاقشا، ورىسشا، اعىلشىنشا) جۇمىس ىستەي باستادى. ءانشى تۋرالى بارلىق رەسمي جاڭالىقتار مەن اقپاراتتاردى www.dimashkudaibergen.com سايتىنان الۋعا بولادى.
