جىلدامدىعى تومەن ينتەرنەت دەنساۋلىققا اسەر ەتەدى

 استانا. قازاقپارات - جىلدامدىعى باياۋ عالامتور ەشكىمگە ۇنامايتىنى بەلگىلى. اسىرەسە، ۆيدەونى جۇكتەۋ كەزىندە كوپ ۋاقىت الاتىن بولسا، شىدامىڭىزدى سارقىپ بىتەدى.

شۆەد عالىمدارى جىلدامدىعى باياۋ ينتەرنەتتىڭ ادامعا تيگىزەر اسەرىن دالەلدەگەن. ۆيدەونى جۇكتەپ وتىرعان كەزدە ينتەرنەت باياۋ جۇمىس جاساسا، ادام قورقىنىشتى فيلم كورگەندەي كۇيزەلەدى ەكەن.

زەرتتەۋگە قاتىسقان ادام جىلدامدىعى باياۋ ينتەرنەتپەن ۇيالى تەلەفون ارقىلى ۆيدەو قاراپ وتىرادى. جىلدام جۇكتەلمەگەنى ءۇشىن شىدامسىزدانعان ادامدى ەنتسەفالوگرامماعا جانە كارديوگرامماعا ءتۇسىرىپ وتىرعان.

ۆيدەونىڭ جۇكتەلمەۋى اسەرىنەن جۇرەكتىڭ سوعىلۋ جيىلىگى %38 عا ارتقان. ۆيدەونىڭ داۋسى دۇرىس ەستىلمەگەندىكتەن، ونىڭ كۇيزەلىسى ارتا تۇسكەن. سول سەبەپتى ادامنىڭ جۇيكە جۇيەسى مەن جۇرەگى ەموتسيونالدى شيەلىنىستىڭ اسەرىنەن ءوزىن شامادان تىس سابىرسىزدىق تانىتا باستاعان.

زەرتتەۋشىلەر كەي ادامدار 6 سەكۋند ىشىندە كۇيزەلىسكە تۇسەتىنىن، ال كەيبىرى شىداماي جاۋىپ تاستاعانىن، كەيبىرى ۆيدەو جۇكتەلگەنگە دەيىن باسقا ىسپەن شۇعىلدانعانىن بايقاعان.

بۇل ادامداردىڭ ەكىنشى توبى جاقسى كورسەتكىشكە يە بولعان، ياعني ولار العاشقىلارعا قاراعاندا سابىرلى بولعان. ال ءۇشىنشى توپ بۇل ارەكەتتەرىن «مەن بۇل ۆيدەونى مىندەتتى تۇردە كورۋىم كەرەك» دەپ تۇسىندىرگەن. سونىمەن، قورتىندى بويىنشا، شۆەد زەرتتەۋشىلەرى جايباسار ينتەرنەتكە باس اۋىرتىپ وتىرعان ارالىقتى الداي تۇرۋعا كەڭەس بەرەدى.

 

ال ءسىزدىڭ شىدامدىلىعىڭىز قانداي؟

massaget.kz