اتا جۇرتقا ورالعان قانداسىمىز «جىل دراماتۋرگى» اتاندى
سولاردىڭ ءبىرى جاس دراماتۋرگ، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ رەداكتورى ءانناس باعدات.
2009- جىلى ت. جۇرگەنوۆ اتىنداعى قازاق ۇلتتىق ونەر اكادەمياسىن «كينوتەلەدراماتۋرگيا» ماماندىعى بويىنشا وقۋ بىتىرگەن ول ۇزبەي ەڭبەكتەنىپ كەلەدى. ناتيجەسى دە جوق ەمەس، 2015- جىلى ق ر تۇڭعىش پرەزيدەنتى - ەلباسى قورى قۇرعان «التىن توبىلعى» ادەبي جۇلدەسىنىڭ «جىلدىڭ ۇزدىك دراماتۋرگياسى» اتالىمىنىڭ جۇلدەگەرى بولعان.
مىنە، بيىل تاعى دا جەڭىمپاز اتانىپ، «ەڭلىكگۇل-2016» قورىتىندىسىندا «جىل دراماتۋرگى» نوميناتسياسى بويىنشا ماراپاتتالىپ وتىر. «ەڭلىكگۇل» كاسىبي تەاتر ونەر سىيلىعىن قازاقستان تەاتر قايراتكەرلەرى وداعى 2010- جىلى تاعايىندادى. تەاتر ونەرىندە قول جەتكىزگەن جىلدىق شىعارماشىلىق تابىستارى ءۇشىن بەرىلەتىن كاسىبي سىيلىق كونكۋرس رەتىندە قوعامدىق ۇيىمدار مەن مەملەكەتتىك قۇرىلىمداردىڭ قاتىسۋىمەن حالىقارالىق تەاتر كۇنىنە وراي تاپسىرىلىپ كەلەدى.
باعدات ءانناس - اقىن، دراماتۋرگ، كينوسەناريست. 1984-جىلى 4- قاڭتاردا ق ح ر، التاي ايماعى، كوكتوعاي اۋدانى تۇرعىن اۋىلىندا دۇنيەگە كەلگەن.
2009- جىلى ت. جۇرگەنوۆ اتىنداعى قازاق ۇلتتىق ونەر اكادەمياسىن «كينوتەلەدراماتۋرگيا» ماماندىعى بويىنشا ءبىتىردى. ونەر تانۋ ماگيسترى. اتالمىش وقۋ ورنىندا «كينو تاريحى مەن تەورياسى» كافەدراسىنىڭ اعا وقىتۋشىسى.
2014- جىلدان باستاپ، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ دراماتۋرگيا بولىمىندە قىزمەت ەتەدى.
ولەڭدەرى مەرزىمدى باسىلىمداردا جاريالانعان. «ءالي مەن ايا» اتتى انيماتسيالىق سەريالدىڭ سەناريىن جازعان (ءبىرىنشى ماۋسىم).
پەسالارى: «مايرا» (ش. قۇسايىنوۆپەن بىرگە. 2012)، «ەلەس جاڭبىر» (2013)، «باقتان وتكەندە» (2014)، «رۋح» (2015)، «ءمادي» (ليبرەتتو، 2015)، «الماس قىلىش» (ءى. ەسەنبەرليننىڭ رومانى بويىنشا. 2015).
دۇنيەءجۇزى قازاقتارى قاۋىمداستىعى ۇيىمداستىرعان حالىقارالىق جىر ءمۇشايراسىنىڭ جۇلدەگەرى (2008).
ق ر تۇڭعىش پرەزيدەنتى - ەلباسى قورى قۇرعان «التىن توبىلعى» ادەبي جۇلدەسىنىڭ «جىلدىڭ ۇزدىك دراماتۋرگياسى» اتالىمىنىڭ جۇلدەگەرى (2015).
شىعارمالارى نەمىس، ورىس، قىتاي تىلدەرىنە اۋدارىلعان.
Baq.kz
