تەرروريزم قاۋپى ۆاشينگتونداعى يادرولىق قاۋىپسىزدىك جونىندەگى سامميتتىڭ باستى تاقىرىبى بولماق
دەپ حابارلايدى ت ا س س.
«يسلام مەملەكەتىنىڭ» قولىندا يادرولىق قارۋ بار ما؟
«ارتتا قالعان بىرنەشە سامميتتەردىڭ بارىسىندا ءبىز يادرولىق قاۋىپسىزدىك ماسەلەسىنە، يادرولىق ماتەريالداردى ساقتاۋ مەن تەررورلىق ۇيىمداردىڭ قولىنا يادرولىق قارۋدىڭ تۇسپەۋىنە نازار اۋدارعان ەدىك»، - دەيدى ا ق ش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسىنىڭ ورىنباسارى بەن رودس وسى فورۋمعا ارنالعان ارنايى بريفينگ بارىسىندا.
«لاڭكەستەردىڭ يادرولىق قارۋدى «اڭسايتىنى» انىق، ولار يادرولىق قۇرىلعىنى يەلەنگىسى كەلەدى. مىسالى، «ءال- كايدا» ۇيىمى جانە «يسلام مەملەكەتى» دەگەن ۇيىم» ، - دەيدى اق ءۇيدىڭ ەلشىسى.
ونىڭ ايتۋىنشا، ءتورتىنشى سامميتتىڭ باعدارلاماسىندا، اتاپ ايتساق، ارنايى سەسسيا بارىسىندا كوشباسشىلار «ي گ ي ل» سياقتى توپتار تاراپىنان تونەتىن قاۋىپكە نازار سالادى. دالىرەك ايتقاندا، يادرولىق قارۋدى تەررورلىق ۇيىمداردان ساقتاۋ ماسەلەسى وزەكتەنەدى. ب. رودستىڭ اتاپ وتۋىنشە، بۇل ۇلكەن قاۋىپكە قارسى تۇرۋ ءۇشىن حالىقارالىق ۇيىمدار بىرلەسە كۇش جۇمساۋ كەرەك، مىنە، ا ق ش تاراپى سامميتتىڭ نەگىزگى سەسسيالارىندا وسى ماسەلەنى كۇن تارتىبىنە شىعارماق. ا ق ش تاراپى «تەرورلىق ۇيىمدار يادرولىق قارۋدى يەلەنۋى مۇمكىن» دەگەن بولجام - ازىرگە تەك بولجامدى قاۋىپ ەكەنىن ايتىپ وتىر. ياعني، ا ق ش- تا لاڭكەستىك ۇيىمدار يادرولىق قارۋ الۋ ءۇشىن ارەكەت جاسادى دەگەن ناقتى اقپارات جوق. تەك «يەلەنۋگە ارەكەت جاساۋى مۇمكىن» دەگەن بولجام بار.
سامميتتىڭ باعدارلاماسى
سامميت 31 - ناۋرىز بەن 1 - ءساۋىر كۇندەرى وتەدى. فورۋمنىڭ العاشقى كۇنى سالتاناتتى سيپاتتا وتەدى دەۋگە بولادى، سەبەبى، سامميتكە قاتىسۋشىلار ۆاشينگتونعا ەندى- ەندى كەلىپ جاتىر. 31 - ناۋرىز كۇنى كەشكە باراك وباما دەلەگاتسيا باسشىلارى ءۇشىن اق ۇيدە تۇسكى اس بەرەدى. ەكىنشى كۇنى ءسامميتتىڭ ءۇش نەگىزگى وتىرىسى وتەدى. سامميت اياسىندا ءبىرقاتار بىرلەسكەن مالىمدەمەلەرگە قول قويىلىپ، سامميتتە قابىلدانعان شەشىمدەردى جۇزەگە اسىرۋ بارىسىن باقىلاۋ ءۇشىن ءبىرقاتار ساراپشى جۇمىس توپتارى قۇرىلادى دەپ كۇتىلۋدە. سونداي- اق، نەگىزگى ءىس- شارالار اياقتالعان سوڭ، ا ق ش پرەزيدەنتى باراك وباما پرەسس- كونفەرەنسيا وتكىزەدى دەپ كۇتىلۋدە.
اۆتور: كەنجەكەي توقتامۇرات قىزى
