ا ق ش دارىگەرلەرى اسكەريلەردىڭ جىنىس مۇشەسىن اۋىستىرىپ بەرمەكشى
بۇل تۋرالى lifenews.ru اقپاراتىنا سۇيەنگەن NUR. KZ حابارلايدى.
بالتيمورلىك دارىگەرلەردىڭ پىكىرىنشە، بۇل اسكەريلەردىڭ جىنىس مۇشەسى مەن ءزار شىعارۋ جولدارىنىڭ دۇرىس جۇمىس ىستەۋىنە سەپتىگىن تيگىزەدى.
جىنىس مۇشەلەرىن ترانسپلانتاتسيالاۋ 2001-جىلى 11- قىركۇيەكتە بولعان تەررورلىق ارەكەت كەزىندە اۋىر جاراقاتتانعان اسكەريلەرگە عانا جۇرگىزىلەدى.
دارىگەرلەر جىنىس مۇشەسىن ترانپلانتاتسيالاۋ اسىرەسە جاستارعا اسا قاجەت ەكەنىن ايتادى.
«جاراقات العان جاۋىنگەرلەر ەڭ الدىمەن جىنىس مۇشەلەرىنىڭ ساۋ ەكەنىنە كوز جەتكىزگىسى كەلەدى. ولار قولى مەن اياعىنان ايىرىلسا دا بۇلاي قاتتى قينالمايدى»، - دەيدى مەديتسينالىق مەكەمەنىڭ باسپا ءسوز حاتشىسى تەيلور گرەم.
ەرلەردىڭ جىنىس مۇشەسىن اۋىستىرۋ كەزىندەگى تەحنيكالىق جانە ەتيكالىق ماسەلەلەر قول مەن بەت ءجۇزىن ترانسپلانتاتسيالاعاندا تۋىندايتىن سۇراقتارعا ۇقساس.
جىنىس مۇشەسىن اۋىستىرۋعا ارنالعان وپەراتسيا 12 ساعاتقا سوزىلادى. ەڭ العاش رەت مۇنداي وپەراتسيا 2006-جىلى قىتايدا جاسالعان بولاتىن. دارىگەرلەر 44 جاستاعى ەر ادامعا اۋىر جول اپاتىنان كوز جۇمعان 20 جاستاعى جىگىتتىڭ جىنىس مۇشەسىن سالىپ بەرگەن.
ال 2014-جىلى دارىگەرلەر وڭتۇستىك افريكا رەسپۋبليكاسىندا دۇرىس سۇندەتتەلمەي قالىپ، اۋىر جاراقاتتانعان جىگىتتىڭ جىنىس مۇشەسىن اۋىستىرىپ بەردى.
