بۇرىن ۇرلانىپ كەتكەن ساۋديالىق حانزادا تاعى دا ءىز-ءتۇسسىز جوعالدى

استانا. قازاقپارات - ساۋد ارابياسى كورولىنىڭ تۋىسقانى، حانزادا سۋلتان بين تۋركي حابار-وشارسىز جوعالىپ كەتتى.

بۇل جايىندا The Guardian اقپارات ورتالىعى حابارلايدى دەپ جازادى muslim.kz.

مالىمەت بويىنشا، حانزادا كايردەن پاريج قالاسىنا ۇشىپ كەلۋى ءتيىس بولعان. الايدا، حانزادا فرانسۋز قالاسىنا ۇشىپ كەلمەگەن.

حانزادا دوستارىنىڭ ءبىرى وعان ۇشار الدىندا الدەكىمنىڭ قوڭىراۋ شالعانىن ايتادى. الگى ادامعا حانزادا ءوزىنىڭ فرانسيا اۋماعىنان الاڭسىز شىعىپ كەتە الاتىنىن ايتقان كورىنەدى.

2003-جىلى حانزادانى شۆەيتساريادا جۇرگەن جەرىندە ۇرلاپ اكەتىپ، كورولدىك اۋماعىنا جەتكىزگەن بولاتىن. بۇعان ونىڭ ساۋديا ۇكىمەتىمەن اراداعى سوتى سەبەپ بولعان ەدى.

بۇعان دەيىن ەكى ساۋديالىق حانزادا - تۋركي بين باندار بين مۋحاممەد بين ابدۋرراحمان اس-ساۋد جانە ساۋد بين سايف ان-ناسر بين ساۋد بين ابدۋلازيز اس-ساۋد حابارسىز جوعالىپ كەتكەن بولاتىن.