استانادا بۇگىن «ءاليحان بوكەيحانوۆ جانە ۇلت رۋحانياتى» تاقىرىبىندا دوڭگەلەك ۇستەل وتەدى
يۋنەسكو باس كونفەرەنتسياسىنىڭ 38- سەسسياسىنىڭ شەشىمىنە سايكەس، ءاليحان بوكەيحانوۆتىڭ مەرەيتويى 2016-جىلعى يۋنەسكو-نىڭ اتاۋلى كۇندەر كۇنتىزبەسىنە ەنگىزىلدى.
دوڭگەلەك ۇستەل بارىسىندا ل. ن. گۋميليەۆ اتىنداعى ە ۇ ۋ جانىنداعى «الاش» عىلىمي- زەرتتەۋ ينستيتۋتى (ديرەكتورى سۇلتانحان اققۇل ۇلى). تاراپىنان قازاق، اعىلشىن جانە ورىس تىلدەرىندە دايىندالعان «ءاليحان بوكەيحان. Alikhan Bukeikhan. اليحان بۋكەيحان» اتتى زەرتتەۋلەر، پۋبليتسيستيكالىق ماقالالار، سۇحباتتار جانە دوڭگەلەك ۇستەل ماتەريالدارىنىڭ جيناعى كىتاپحاناعا سىيعا تارتىلادى. بيىل بۇل ينستيتۋت ءاليحان بوكەيحانوۆتىڭ ءومىرى مەن قىزمەتى تۋرالى 2 تومدىق مونوگرافياسىنىڭ ءبىرىنشى تومىن، ونىڭ 16-18 تومدىق شىعارمالار جيناعىنىڭ تولىق جيناعىن، «الاشتىڭ ءاليحانى»، «ءاليحان تاعىلىمى» جيناقتارىن، سونداي-اق باسقا دا كىتاپتار مەن جيناقتارىن جارىققا شىعارۋدى جوسپارلاپ وتىر.
دوڭگەلەك ۇستەل جۇمىسىنا «وتىرار كىتاپحاناسى» عىلىمي-زەرتتەۋ ورتالىعىنىڭ ديرەكتورى، الاشتانۋشى عالىم تۇرسىن جۇرتباي، مەملەكەتتىك تاريح ينستيتۋتىنىڭ ديرەكتورى، تاريح عىلىمدارىنىڭ دوكتورى، پروفەسسور بۇركىت اياعان، ق ر پارلامەنتى ءماجىلىسىنىڭ دەپۋتاتى ساۋىتبەك ابدراحمانوۆ، ل. ن. گۋميليەۆ اتىنداعى ە ۇ ۋ پروفەسسورلارى زيابەك قابىلدينوۆ، داناگۇل ماحات قاتىسادى.
«الاش قوزعالىسىنىڭ كوسەمى» اتتى كىتاپ كورمەسى ءاليحان بوكەيحانوۆتىڭ قوعامدىق-ساياسي، مەملەكەتتىك، عىلىمي، پۋبليتسيستيكالىق جانە جۋرناليستىك قىزمەتى جانە ونىڭ باي مۇراسىنا ارنالادى. كورمەدە اۆتوردىڭ كىتاپتارى، جيناقتارى، سونداي-اق مەرزىمدى باسىلىمداردا جاريالانعان ماقالالارى ۇسىنىلادى. سونداي-اق «الاش ارداقتىلارىنا تاعزىم» تاقىرىبىمەن الاش قايراتكەرلەرى سۋرەتتەرىنىڭ كورمەسى وتەدى.
