00:07, 31 - ناۋرىز 2016 | GMT +5
شىمكەنتتە «قازاق ەلى» انيماتسيالىق فيلمىنىڭ پرەمەراسى ءوتتى
استانا. قازاقپارات - كەشە شىمكەنتتەگى «كورمە» ورتالىعىندا قازاق حاندىعىنىڭ 550 جىلدىعىنا وراي تۇسىرىلگەن «قازاق ەلى» اتتى تۇڭعىش تاريحي تولىقمەتراجدى انيماتسيالىق فيلمىنىڭ پرەمەراسى ءوتتى.
اتالعان فيلمدى قازاقستان رەسپۋبليكاسى مادەنيەت جانە سپورت منيسترلىگىنىڭ تاپسىرىسى بويىنشا «ساق» كينوستۋدياسى ءتۇسىردى.
فيلمدە قازاق حاندىعىنىڭ قۇرىلۋ تاريحى، ءابىلحايىر حان مەن كەرەي، جانىبەك سۇلتاندار اراسىنداعى شيەلەنىستى وقيعا سۋرەتتەلگەن.
ايتا كەتەيىك، بۇل فيلم كوپشىلىك حالىققا 2016 -جىلعى 19 - مامىردان باستاپ بارلىق كينوتەاترلاردان كورسەتۋ جوسپارلانىپ وتىر.
