ەۋرو وداق قازاقستاننىڭ بىتىمگەرلىك ىقپالىنا ءۇمىت ارتۋدا
سونىمەن قاتار، كەزدەسۋدە حالىقارالىق كۇن تارتىبىندەگى وزەكتى باعىتتار، سونىڭ ىشىندە ۋكرايناداعى جاعداي مەن ە و- نىڭ رەسەيگە قارسى شەكتەۋ شارالارى بويىنشا پىكىر الماسىلدى.
«ءبىز ايماقتىق ساياسات، ۋكرايناداعى پروبلەمالار، بىزگە اسەر ەتەتىن رەسەيگە قارسى سانكسيالار تۋرالى اڭگىمەلەستىك. وسى باعىتتا بىرلەسىپ جۇمىس جاساۋعا كەلىستىك. بۇل ەۋروپاعا دا، رەسەيگە دە ءتيىمدى»، - دەدى نۇرسۇلتان نازاربايەۆ.
ەلباسى قازاقستان ەكونوميكالىق ىقپالداستىقتا نەگىزگى سەرىكتەستەرى بولىپ تابىلاتىن ءوز كورشىلەرى - قىتاي حالىق رەسپۋبليكاسى جانە رەسەي فەدەراتسياسىمەن جاقىن دوستىق قارىم- قاتىناس قۇرىپ جاتقانىنا نازار اۋداردى.
«ەۋرازيالىق قۇرلىقتىڭ تەڭ ورتاسىندا تۇرىپ، تەڭىزگە شىقپايتىن قازاقستان قىتاي حالىق رەسپۋبليكاسى جانە رەسەي فەدەراتسياسىمەن جاقىن دوستىق قارىم- قاتىناس ورناتىپ جاتىر. ولار ءبىزدىڭ ەكونوميكالىق ىقپالداستىق بويىنشا نەگىزگى سەرىكتەستەرىمىز»، - دەپ اتاپ ءوتتى مەملەكەت باسشىسى.
ەۋروپالىق كوميسسيا ءتوراعاسى جان- كلود يۋنكەر ەۋرووداق ماڭىزدى ايماقتىق ۇدەرىستەرگە قاتىساتىن قازاقستاننىڭ بىتىمگەرلىك ىقپالىنا ۇمىتتەنىپ وتىرعانىن اتاپ ءوتتى.
«جاقىن دوسىمدى كورگەنىمە قۋانىشتىمىن. جاھاندىق ماسەلەلەردى، قازاقستان مەن ەۋرووداق اراسىنداعى قارىم- قاتىناستى جانە وزگە دە وزەكتى تاقىرىپتاردى تالقىلادىق. ايماقتىق ماسەلەلەرگە كوپ كوڭىل بولدىك. ق ر اينالاسىنداعى ەلدەر جانە قازاقستاننىڭ وسى ايماقتاعى بەدەلى جايلى ءسوز بولدى. ءبىز پروبلەمالاردى شەشۋ ءۇشىن ايماقتاعى ليدەر رەتىندە قازاقستاننىڭ بىتىمگەرلىك ىقپالىنا ۇمىتتەنىپ وتىرمىز»، - دەپ اتاپ ءوتتى جان- كلود يۋنكەر.
