تۇركىتىلدەس حالىقتارىنان قۇرالعان وركەستر العاش رەت قازاق اۋەندەرىن ورىندادى
ۇلىستىڭ ۇلى كۇنى يۋنەسكو ۇيىمىنىڭ مادەني مۇراسىنىڭ تىزىمىنە ەنگەنى بارىمىزگە ءمالىم. سونداي- اق ناۋرىز ب ۇ ۇ، ەۋروپاداعى قاۋىپسىزدىك جانە ىنتىماقتاستىق ۇيىمى سىندى حالىقارالىق بىرلەستىكتەردىڭ كۇنتىزبەسىنە كىردى.
سوڭعى جىلدارى ۇلىستىڭ ۇلى كۇنى تەك شىعىس ەلدەرىندە عانا ەمەس، الەمنىڭ تۇكپىر- تۇكپىرىندە تويلانۋى داستۇرگە اينالدى. بۇل كۇننىڭ باس اسسامبلەيانىڭ جاڭعىرتىلعان وتىرىس زالىندا اتاپ ءوتىلۋى - مۇنىڭ ايقىن دالەلى. بيىل وسى شاراعا دۇيسەن قاسەينوۆ جەتەكشىلىك ەتىپ وتىرعان تۇركسوي ۇيىمى بەلسەندى قاتىسۋدا. بۇل بىرلەستىكتىڭ ارقاسىندا تۇركىتىلدەس ەلدەردىڭ دارىندى ارتىستەرى شەتەلدىكتەر نازارىنا ءوز ونەرىن پاش ەتۋگە مۇمكىندىك الدى.
قويىلىم بارىسىندا قازاق حالقىنىڭ اۋەندەرىن ءازىربايجان، تۇركيا، قازاقستان، ماكەدونيا، تۇركىمەنستان، كاپكاز بەن موڭعوليا ەلدەرى بىرىگىپ قۇراعان وركەستر العاش رەت وينادى. ءبىزدىڭ مەملەكەتتەن بۇل كونسەرتكە «سازگەن سازى» فولكلورلىق- ەتنوگرافيالىق ءانسامبلى قاتىستى. ءتۇرلى حالىق اسپاپتارىندا ورىندالعان وتاندىق سازگەرلەردىڭ تۋىندىلارى داستۇردەگىدەن وزگەشە ەستىلدى.
حاليت چيەۆيك، تۇركيانىڭ ب ۇ ۇ جانىنداعى تۇراقتى وكىلى:
- ناۋرىز مەرەكەسى بارلىعىمىزدى بىرىكتىرەدى. بيىل تۇركىتىلدەس ەلدەرى مادەنيەتىمىزدەگى ورتاق تۇستاردى باس اسسامبلەيانىڭ وتىرىس زالىندا كورسەتە الدى. بۇل كورىنىس كەرەمەت بولدى. قازاق حالقىنا دەگەن قۇرمەتىمدى ەرەكشە ايتىپ وتكىم كەلەدى.
ياشار اليەۆ، ءازىربايجاننىڭ ب ۇ ۇ جانىنداعى تۇراقتى وكىلى:
- وسى كونسەرتتە ءبىز تۇركى الەمىنىڭ عاجايىپ اندەرىن ەستىپ، ۇلتتىق بيلەرىن تاماشالادىق. ب ۇ ۇ- نىڭ وكىلدەرى وسى كورىنىستى تامسانىپ قارادى. مەنىڭ ويىمشا، ۇيىمداستىرلىعان شارا جوعارى دەڭگەيدە ءوتتى.
جينالعان قاۋىم «توميريس» جانە «سامۇرىق» بي انسامبلدەرى، اقەركە تاجىبايەۆا مەن جانار دۇعالوۆانىڭ ونەرىن كورىپ، قوشەمەتتەرىن اياعان جوق.
اۆتورلارى: داريعا تاشەنوۆا، مايرا ابدراحمانوۆا، رەنات سادىروۆ
www.24.kz
