قازاقستان مەكتەپتەرىنىڭ بەس كۇندىك وقۋ اپتاسىنا قاشان كوشەتىنى بەلگىلى بولدى
- دەپ حابارلايدى Tengrinews.kz ءتىلشىسى.
ق ر ءبىلىم جانە عىلىم مينيسترلىگىنىڭ حابارلاۋىنشا، ءبىرىنشى سىنىپ وقۋشىلارى 1 - قىركۇيەكتەن 1 - ماۋسىمعا دەيىن وقيدى. وسىلايشا، مەكتەپتەردىڭ ءبىرىنشى سىنىپ وقۋشىلارى 2017 - جىلدان ەمەس، وسى جىلدان باستاپ 5 كۇندىك وقۋ جىلىنا كوشەدى.
كەلەسى قادامعا سايكەس، 2017 - جىلى ەكىنشى، بەسىنشى، جەتىنشى، توعىزىنشى سىنىپ وقۋشىلارى 5 كۇندىك وقۋ اپتاسىنا كوشەدى. 2018 - جىلدان باستاپ بارلىق باسقا سىنىپ وقۋشىلارى جاڭا وقۋ بارىسىنا كوشەدى.
بەس كۇندىك ءبىلىم بەرۋگە كوشۋ ءبىلىم بەرۋ باعدارلاماسىنىڭ جاڭارتىلۋىنا بايلانىستى بولىپ وتىر. جاڭا ءبىلىم بەرۋ باعدارلامالارى، وسىعان دەيىن ايتىلعانداي، نازاربايەۆ زياتكەرلىك مەكتەبى باعدارلاماسىنا نەگىزدەلەدى. ءبىلىم بەرۋ باعدارلامالارى ۇزدىك الەمدىك تاجىريبەگە سايكەس فۋنكتسيونالدىق ساۋاتتىلىققا نەگىزدەلەدى.
مينيسترلىك قازىر بارلىق مەكتەپتىڭ بەس كۇندىك وقۋعا كوشۋىن تەزدەتۋ امالدارىن قاراستىرۋدا. «الايدا، بۇل ماسەلەنى شەشۋ ءۇشىن تەزدەتىلگەن كەستە نەگىزىندەگى ءبىلىم بەرۋ باعدارلامالارىنىڭ مازمۇنىن جاڭارتۋ بويىنشا تولىق ەسەپ جۇرگىزۋ كەرەك. سونىمەن قاتار، ءۇش اۋىسىممەن وقيتىن مەكتەپتەر ماسەلەسىن دە جەتە قاراستىرۋ قاجەت»، - دەلىنگەن مينيسترلىك جولداعان حابارلامادا.
ايتا كەتەيىك، قازاقستان رەسپۋبليكاسى پرەمەر- ءمينيسترىنىڭ ورىنباسارى داريعا نازاربايەۆا بەس كۇندىك وقۋ اپتاسىن ەنگىزۋ ماڭىزدىلىعىن اتاپ ءوتتى: «مەن اتا- انالار مەن ءبىزدىڭ بالالار ءۇشىن وتە قۋانىشتىمىن، ويتكەنى مەكتەپتەن تۇسەتىن جۇكتەمە وتە اۋىر جانە بالالاردىڭ دەنساۋلىعىنا اسەر تيگىزەدى، ولار ءبىر كۇن ىشىندە قالپىنا كەلە المايدى. ءبىزدىڭ جوسپارىمىز بويىنشا، سەنبى كۇنى بالالار جان- جاقتى دامي الاتىن بولادى، ءتىل ۇيرەنۋ كۋرستارىنا نەمەسە سپورت سەكسيالارىنا قاتىسۋعا مۇمكىندىگى بولادى. سونىمەن قاتار ەڭ باستى تاربيەنى ءبىز وتباسىنان الامىز، سوندىقتان سەنبى كۇنى بالالاردا اتا- انالارىمەن تىلدەسۋگە، جانۇيا داستۇرلەرىمەن تانىسۋعا بولەتىن ۋاقىت بولۋى قاجەت. بۇدان باسقا، سەنبى - وقىتۋشىلاردى قايتا دايارلاۋ ءۇشىن ماڭىزدى كۇن بولادى».
ەسكە سالا كەتەيىك، نازاربايەۆ مەكتەپتەردە بەس كۇندىك وقۋ ستاندارتىن ەنگىزۋ ماسەلەسىن تالقىلاۋدى تاپسىردى. مەملەكەت باسشىسى بۇل تۋرالى پارلامەنت پالاتالارى دەپۋتاتتارىنىڭ بىرلەسكەن وتىرىسى بارىسىندا مالىمدەدى. «ءبىز ە ى د ۇ- نا ىقپالداسۋدامىز جانە بىزگە سولارمەن ءبىرىزدى بولۋ قاجەت. بارلىق دامىعان ەلدەردە مەكتەپتەردە بەس كۇندىك وقۋ اپتاسى ارەكەت ەتەدى. بالا قالپىنا كەلىپ، ال ۇستاز دەمالىپ، ساباققا دايىندالا الادى. ولاردىڭ كەيبىرلەرى ءتىپتى ءتورت كۇندىك وقۋ اپتاسى بويىنشا وقيدى. مۇنداي فورماتقا كوشۋ - بۇل دامىعان ەلدەردىڭ جالپى الەمدىك ترەندتەرى. وقۋ اپتاسى قىسقارعان جاعدايدا وقۋدىڭ ناتيجەلىلىگى ارتاتىنىن عالىمدار دا دالەلدەدى. بىزگە دە وسى پراكتيكانى ەنگىزۋ كەرەك. وقۋ اپتاسىن وڭتايلاندىرۋدى ەڭ الدىمەن باستاۋىش مەكتەپتە ەنگىزۋ قاجەت»، - دەدى نۇرسۇلتان نازاربايەۆ.
