الماتىدا تۇرىك پوەزياسىنىڭ كەشى ءوتتى - فوتو
ايتا كەتۋ كەرەك، پوەزيا كەشىن ءال- فارابي اتىنداعى قازاق ۇلتتىق ۋنيۆەرسيتەتىنىڭ «تۇركسوي» كافەدراسى مەن تۇركولوگيا فاكۋلتەتى وتكىزدى.
جيىن بارىسىندا «تۇرىك پوەزياسى» انتولوگياسى كىتابى تانىستىرىلدى.
«بۇگىن شىن مانىندە كوڭىل تولقىتاتىن جيىن. تۇرىك پوەزيا كەشىن ۇيىمداستىرىپ وتىرعان قاز ۇ ۋ تۇركولوگيا فاكۋلتەتىنە العىسىمدى ايتامىن. مارقۇم اقىن ءامىرحان بالقىبەك «تۇركيادا اقىن كوپ، قازاقتار بىلمەيدى، ولاردى نەگە تانىستىرماسقا؟ » دەپ باۋىرجان جاقىپ اعا ەكەۋى ايتقان بولاتىن. سودان كەڭەس قۇرىپ مىنا كىتاپتىڭ دۇنيەگە كەلۋىنە ات سالىسقان بولاتىنبىز. بۇل جاي اۋدارما ەمەس، ۇلكەن ەڭبەك. ۇلكەن ەڭبەك قولىمىزعا ءتيىپ وتىر» ، - دەدى «قازاقستان ZAMAN» حالىقارالىق قازاق- تۇرىك باسىلىمىنىڭ باس ديرەكتورى احمەت الياز.
جيىنعا قاتىسقان تۇرىك ادەبيەتتانۋشى عالىمدارى مەن اقىندارى قازاق جانە تۇرىك ادەبيەتى اراسىنداعى رۋحاني بايلانىس پەن تۇرىك ادەبيەتىنىڭ دامۋ تاريحى تۋرالى ايتىپ بەردى.
پوەزيا كەشىنە قازاق ادەبيەتىنىڭ وكىلدەرى: يسرايل ساپارباي، نۇرپەرزەنت دومباي، باۋىرجان جاقىپ، سايات قامشىگەر، جۇماش كوكبورى، مارحابات شويبەكوۆا، الىبەك شەگەباي قاتىستى.
اۆتور: گۇلميرا عوسمانالي
