14:41, 30 - ناۋرىز 2016 | GMT +5
رەسەيدە كيىز ۇيلەردەن تۇراتىن قوناق ۇيلەر اۋىلى اشىلدى - فوتو
استانا. قازاقپارات - رەسەيدىڭ نيجەگورودسكايا وبلىسىندا كيىز ۇيلەردەن تۇراتىن اۋىل-قوناق ءۇي اشىلدى، - دەپ حابارلايدى Tengrinews.kz ءتىلشىسى رەسەيلىك بلوگەر اننا ۆينگۋرتكە سىلتەمە جاساپ.
«بۇل قازاقستان ەمەس! ءبىز نيجەگورودسكايا وبلىسىنىڭ بورسكي اۋدانىنانبىز. بۇل شىنىمەن دە تاڭعاجايىپ»، - دەپ جازدى ول.
اننانىڭ ايتۋىنشا، وستانكينو اۋىلىنداعى كيىز ۇيلەردى قازاقستاننان كەلگەن الەكسەي جانە پاۆەل ەسىمدى ەكى وفيتسەر قۇرعان.
جىلى كيىز ۇيلەر كيىز بەن قامىس توسەنىشتەن تۇرعىزىلعان. كيىز ۇيلەردىڭ اۋدانى 23 شارشى مەتر جانە 73 شارشى مەتر بولاتىن تۇرلەرى بار.
اۋىلعا ادامدار قازىردىڭ وزىندە ءتۇرلى كەشتەر وتكىزىپ، تۋريستەر دە كەلىپ جاتىر ەكەن.
